Snjólaug kjörin skotmaður ársins hjá Markviss
Félagar Skotfélagsins Markviss á Blönduósi eru 75 talsins, þeim hefur farið fjölgandi og sífellt fleiri mæta á æfingar, samkvæmt fréttatilkynningu frá félaginu. „Sem dæmi má taka að árið 2013 voru skotnar um 9000 leirdúfur á svæðinu á móti tæpum 13.000 það sem af er árinu 2014.“
Samkvæmt fréttatilkynningunni er þetta í samræmi við þá þróun sem verið hefur á öðrum skotsvæðum hérlendis, „enda nýtur skotfimi sívaxandi vinsælda eins og tölur frá Íþrótta og Ólympíusambandi Íslands staðfesta. Fjöldi iðkenda skotíþrótta á landsvísu hefur hátt í tvöfaldast frá árinu 2008 og er nú nálægt 4000 manns,“ segir í tilkynningunni.
Líkt og undanfarin ár átti skotfélagið Markviss keppendur á flestum mótum sumarsins, eða alls 31 skráðan keppanda á 11 mótum. Aðeins eitt mót var haldið af skotf.Markviss sumarið 2014 en á næsta ári verða haldin fjögur mót í haglagreinum á Blönduósi, þ.e. Landsmót 50+, Landsmót STÍ, Norðurlandsmeistaramót og kvennamótið Skyttan.
„Unnið hefur verið að endurbótum á skotsvæði félagsins og mun allt kapp verða lagt á að ljúka næsta áfanga í því verki fyrir landsmót UMFÍ 50+ sem fram fer í júní á næsta ári. Í sumar var komið upp salernisaðstöðu og unnið við undirbúning fyrir þökulagningu á skotvellinum, sem farið verður í næsta vor. Önnur verkefni sem unnið er að eru t.d. aðstaða fyrir kúlugreinar og bogfimi, endurbætur á húsakosti félagsins,lagfæringar á vegi að svæðinu, gróðursetning skjólbelta umhverfis svæðið o.fl.,“ segir í tilkynningu frá félaginu.
Á stjórnarfundi Skotfélagsins Markviss þann 17. október síðastliðinn var kosinn skotmaður félagsins 2014. Titilinn hreppti formaður félagsins Snjólaug María Jónsdóttir, og er þetta annað árið í röð sem Snjólaug verður fyrir valinu.
Árangur hennar á nýliðnu tímabili var eftirfarandi.
- Sigur í kv flokki á landsmóti STÍ, Rvk. 17 maí.
- 4. sæti i kv flokk á landsmóti STÍ,Þorlákshöfn. 31 maí.
- Sigur í kv flokk á landsmóti STÍ og jöfnum á Íslandsmeti, Blönduós. 14 júní.
- 11. sæti í B úrslitum SIH-Open, Alþjóðlegt mót í Hafnarfirði. 5-6 júlí.
- 3 sæti í kv flokk á Íslandsmóti STÍ. Rvk. 19 júlí.
- Sigur í kv flokk Landsmót STÍ og jöfnun á Íslandmeti, Akureyri. 26 júlí.
- Sigur í kv flokk Landsmót STÍ og nýtt Íslandsmet, Húsavík. 9 ágúst.
- Sigur í kv flokk Bikarmót STÍ og jöfnun á Íslandsmeti,Akureyri,6 sept. Varð Bikarmeistari kvenna með fullt hús stiga annað árið í röð.
- Sigur á Kvennamótinu SKYTTAN. Rvk. 20 sept.
- Valin í úrtakshóp Skotíþróttasambands Íslands fyrir Smáþjóðaleikana 2015.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
