Sönghópurinn Spectrum kemur norður!
Tónleikar sönghópsins Spectrum verða haldnir í Sauðárkrókskirkju laugardaginn 28. september kl. 17:00 og í Akureyrarkirkju sunnudaginn 29. september kl. 17:00. Flutt verður verkið “Requiem” eða Sálumessa eftir John Rutter undir stjórn söngkonunnar Ingveldar Ýrar. Spectrum flutti verkið í Neskirkju í Reykjavík vorið 2012 við frábærar undirtektir. Með hópnum spila þær Sigrún Magna Þórsteinsdóttir organisti við Akureyrarkirkju, Ásdís Arnardóttir sellóleikari og tónlistarkennari á Akureyri, en þess má geta að margir meðlimir Spectrum eru ýmist fæddir og uppaldir fyrir norðan eða hafa flutt þangað á seinni árum.
Nánar um verkið:
John Rutter er eitt helsta kórtónskáld í heiminum í dag. Einfaldleiki, stílhreinar sönglínur og aðgengileg tónlist hafa einkennt verk hans. Requiem sem þýðir “hvíld” samdi hann skömmu eftir að hann missti föður sinn. Hann langaði að semja verk sem allir gætu notið, bæði lærðir og ólærðir í tónlist eins og faðir hans var. Verkið var frumflutt í Bandaríkjunum árið 1984 og varð strax gríðarlega vinsælt þar í landi, með um 500 uppfærslur strax á fyrsta ári. Hér á landi hefur það aðeins verið flutt einu sinni áður og er Spectrum það sönn ánægja að kynna verkið betur.
Sönghópurinn Spectrum var stofnaður árið 2003 og hefur starfað sleitulaust síðan undir handleiðslu Ingveldar Ýrar söngkonu. Fjölbreytileiki, lífleg framkoma og metnaður hefur einkennt hópinn, en hann hefur flutt margar nýstárlegar útsetningar þekktra laga, auk þess að kynna óþekktari verk. Spectrum kemur fram við ýmis tækifæri, söng t.d. á kosningavöku bandaríska sendiráðsins 2008 og í tónleikaröð Háskólans á Bifröst 2009.
Stjórnandinn, Ingveldur Ýr, er mörgum kunn sem söngkona og söngkennari. Hún hefur um árabil rekið eigin skóla; Söngstúdíó, og haldið þar námskeið af ýmsum toga. Einnig hefur hún sungið fjölmörg óperuhlutverk og haldið tónleika, bæði hér á landi og erlendis. Árið 2009 gaf hún út söngdiskinn Portrett sem inniheldur lög af ferli hennar. Vorið 2013 lauk Ingveldur Ýr kórstjóranámi hjá Herði Áskelssyni í Tónskóla Þjóðkirkjunnar.
Sönghópurinn Spectrum ásamt stjórnandanum Ingveldi Ýri.
Fleiri fréttir
-
Súpurölt, Sóli Hólm og sígilt sveitaball á Hofsós heim
feykir.is Skagafjörður, Listir og menning, Mannlíf, Lokað efni 13.06.2025 kl. 10.26Nú styttist óðum í árlegu bæjarhátíðina Hofsós heim sem fer jú eins og nafnið bendir til fram á Hofsósi. Dagskráin að þessu sinni stendur yfir dagana 20.-21. júní sem eru föstudagur og laugardagur og fólk getur þá notað sunnudaginn í að jafna sig, leyft ballvöðvunum að endurstilla sig, og njóta lífsins. Líkt og víðast annars staðar í þjóðfélaginu þá er það valkyrjustjórn sem stendur í brú hátíðarinnar, skipuð sex kraftmiklum dömum.Meira -
Metnaðarfull sumarsýning hjá Heimilisiðnaðarsafninu
feykir.is Austur-Húnavatnssýsla, Listir og menning 13.06.2025 kl. 08.06Sumarsýning Heimilisiðnaðarsafnsins Halla, Hún er ég – Prjónatilveran var opnuð laugardaginn 7. júní að viðstöddum fjölda gesta. Að þessu sinni er það Halla Lilja Ármannsdóttir sem er með fjölbreytta prjónasýningu. Um er að ræða prjónaðar flíkur og margs konar nytjahluti og skúlptúra.Meira -
Tekið vel í tillögu um árlega viðurkenningu til Listamanns Skagafjarðar
feykir.is Skagafjörður, Listir og menning 12.06.2025 kl. 14.41Á fundi atvinnu-, menningar- og kynningarnefndar Skagafjarðar sem fram fór þann 5. júní síðastliðinn var lögð fram tillaga frá Álfhildi Leifsdóttur fulltrúa VG og óháðra í byggðarráði þar sem hún lagði til að komið verði á árlegri viðurkenningu til handa listamanni í Skagafirði sem hefur skarað fram úr í listsköpun sinni eða stuðlað að menningarstarfi í héraðinu.Meira -
Nú streymir heita vatnið um Austur-Húnavatnssýslu sem aldrei fyrr
feykir.is Austur-Húnavatnssýsla, Lokað efni 12.06.2025 kl. 14.00Ný vinnsluhola, RR-38, verður formlega vígð föstudaginn 13.júní að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu. Hitaveitan að Reykjum þjónar nú öllu þéttbýli á Blönduósi og Skagaströnd auk dreifbýlis í Húnabyggð. Með tilkomu nýju vinnsluholunnar er rekstraröryggi aukið og tryggt að veitan geti sinnt núverandi og framtíðareftirspurn á svæðinu.Meira -
Meistari Arnar Björns semur til tveggja ára
feykir.is Skagafjörður, Íþróttir, Lokað efni 12.06.2025 kl. 13.35Dagur Þór og kompaní hjá körfuknattleiksdeild Tindastóls halda áfram að skreyta gómsæta hnallþóruna sem karlalið Tindastóls á að verða á næsta keppnistímabili. Nú hefur Sigtryggur Arnar Björnsson hripað nafn sitt á nýjan samning og ætlar að fara með okkur kátur og hress í körfuboltaferðalag næstu tvö tímabil.Meira
