Stefnt að afhendingu nýrrar leikskóladeildar þann 15. mars
Framkvæmdir við nýja leikskóladeild í Varmahlíð hefur dregist lengur en vonir stóðu til og hefur Fræðslunefnd Sveitarfélagsins Skagafjarðar bókað á fundum sínum áhyggjur vegna þessa. Samkvæmt fréttatilkynningu á vef Svf. Skagafjarðar voru þær breytingar þurfti að gera á húsnæðinu, þ.e. gamla pósthúsinu, umfangsmeiri en áætlaðar voru í fyrstu.
Sveitarfélagið Skagafjörður ásamt Akrahreppi ákváðu í október sl. að bregðast við brýnum vanda foreldra ungra barna í Varmahlíð vegna dagvistarmála. Þá varð ljóst að dagforeldri sem starfað hafði á svæðinu myndi láta af störfum.
„Í kjölfar þessarar ákvörðunar var farið í það að finna húsnæði sem gæti hentað undir leikskóla fyrir yngstu börnin, finna verktaka í verkið, afla allra leyfa osfrv. Vonir stóðu til að hægt yrði að vinna verkið hratt og opna nýja deild við leikskólann strax upp úr áramótum. Breytingar sem varð að gera á húsnæðinu urðu hins vegar umfangsmeiri en áætlað var í fyrstu og annir verktakans hafa verið miklar. Framkvæmdir hafa því dregist og opnun nýrrar leikskóladeildar fyrir yngstu börnin í Varmahlíð sömuleiðis,“ segir í fréttatilkynningu.
Í tilkynningunni kemur fram að nú sé unnið að því að klára verkefnið eins fljótt og auðið er stefnt að afhendingu hússins þann 15. mars nk.
„Sveitarfélagið Skagafjörður hefur ætíð sett mikinn metnað í að bjóða upp á næg og ódýr leikskólarými og er eitt fárra sveitarfélaga á landinu sem hefur leitast við að bjóða leikskólarými fyrir eins árs börn og eldri. Flest stærri sveitarfélög miða leikskólagöngu við 18 mánaða aldur eða eldri. Því er hins vegar ekki að neita að leikskólinn í Varmahlíð hefur ekki getað orðið við öllum beiðnum um leikskólavist og erfitt hefur reynst að fá dagforeldra til starfa. Ítrekað hefur verið auglýst eftir fleiri dagforeldrum til starfa á svæðinu en án árangurs. Því var ákveðið að fara í þessar miklu og dýru framkvæmdir við nýja leikskóladeild fyrir yngstu börnin í Varmahlíð. Það er von Sveitarfélagsins Skagafjarðar að þessi nýja deild leysi úr þeim vanda sem skortur á dagvistarrýmum skapar foreldrum á svæðinu,“ segir loks í tilkynningunni.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
