STÓÐRÉTTIR Í VÍÐIDAL
Klukkan hálfníu í morgun lögðu menn af stað til að sækja stóðið úr Gaflinum sem rétta á í Víðidalstungurétt á morgun. Snjór er yfir öllu sem gerir ævintýrið enn þá skemmtilegra.
Um fimmtíu erlendir gestir taka þátt í smöluninni á vegum Íshesta og fá nú að upplifa íslenska hestinn í sínu sérstaka umhverfi. Úm hundrað og fimmtíu manns hafa skráð sig í gúllassúpu og kaffi hjá Jónínu á Kolugili þannig að búast má við fjölda í vélageymslunni á Kolugili þar sem kaffið er drukkið. Víða má svo búast við gleði í kvöld.
Í fyrramálið hefjast réttastörf stundvíslega kl. 10.00 og vel á sjöunda hundrað hrossa verða dregin í dilka. Margt verður á boðstólnum við réttina því boðið verður upp á sölusýningu kl. 13.00 á nýrri braut sem byggð var upp af því tilefni. Uppboð ársins verður haldið þar sem m.a. verður boðið upp merfolald undan Hóf frá Varmalæk og Kilju frá Steinnesi. Má ætla að það fari vart undir einni milljón. Ingvi Tryggvason frá Hrappsstöðum í Víðidal mun stjórna uppboðinu eins og honum einum er lagið.
Happdrættismiði fylgir veitingum sem keyptar eru af kvenfélaginu Freyju og meðal vinninga eru brúnskjótt hestfolald, reiðtúr með Íshestum og ýmsar hestavörur og aðrir eigulegir munir.
Svo er um að gera í lok dagsins að skella sér á alvöru réttarball í Víðihlíð með hljómsveitinni Sixties.
Dagskrá réttardags er á þessa leið:
kl. 10 - stóðið rekið til réttar og réttarstörf hefjast.
kl. 13 - sölusýning á svæði fyrir vestan réttina.
kl. 14.30 Uppboð á völdum hrossum.
kl. 15 Dregið í happdrættinu.
kl. 23-03.00 Stóðréttardansleikur í Víðihlíð. leikur fyrir dansi.
Fleiri fréttir
-
Laufey ráðin í stöðu aðstoðarskólameistara við FNV
feykir.is Skagafjörður, Mannlíf, Lokað efni 18.07.2025 kl. 13.56Laufey Leifsdóttir hefur verið ráðin í stöðu aðstoðarskólameistara við Fjölbrautaskóla Norðurlands vestra og tekur til starfa þann 1. ágúst næstkomandi.Meira -
Körfuknattleiksdeild Tindastóls er iðin við kolann
feykir.is Skagafjörður, Íþróttir, Lokað efni 18.07.2025 kl. 11.55Í nýrri tilkynningu segir: „Tindastóll styrkir kvennaliðið. Körfuknattleiksdeild Tindastóls hefur samið við Oceane Konkou, fransk-kanadískan framherja. Martin þjálfari segir Oceane vera þekkta fyrir hraða, varnarleik og að vera góð þriggja stiga skytta, eiginleika sem munu styrkja liðið verulega fyrir komandi tímabil. „Hún er að spila í Ástralíu núna og stendur sig mjög vel, við hlökkum mikið til að fá hana til liðsins“Meira -
HÚNAVAKA : „Það verður fullt hús hjá okkur hjónunum“
feykir.is Austur-Húnavatnssýsla, Mannlíf 18.07.2025 kl. 11.04Það er víst ótrúlega oft hægt að plata Auðun Sigurðsson í að gera hitt og þetta. Því plataði Feykir hann til að svara örfáum spurningum um Húnavökuna. „Ég bý á Blönduósi og hef gert það lungan úr mínu lífi. Þessa dagana er ég einna helst að sinna minni vinnu, ditta að heima hjá mér og leika golf í frístundum,“ segir þessi fyrrum markvörður Hvatar í fótboltanum.Meira -
Fimmtán íbúðir bætast við á Hvammstanga
feykir.is Vestur-Húnavatnssýsla, Lokað efni 18.07.2025 kl. 09.31Byggðarráð Húnaþings vestra tók þann 7. júlí fyrir umsókn um byggingarleyfi fyrir tveggja hæða fjölbýlishús að Norðurbraut 15 á Hvammstanga. Húsið er fyrirhugað með samtals 10 íbúðum, fimm á hvorri hæð. Að sögn Unnar Valborgar Hilmarsdóttur sveitarstjóra í Húnaþingi vestra eru að fara í gang tvö verkefni í tengslum við húsnæðisuppbyggingu á Hvammstanga.Meira -
Hugmyndir um styttingu þjóðvegar 1 enn á sveimi
feykir.is Skagafjörður, Austur-Húnavatnssýsla, Lokað efni 18.07.2025 kl. 09.15Á fundi byggðarráðs Skagafjarðar þann 16.7 var m.a. lagt fram bréf frá Samgöngufélaginu, dags. 7.7. 2025, stílað á Vegagerðina og sveitarfélögin Skagafjörð og Húnabyggð, þar sem ýmsum spurningum er beint að Vegagerðinni og jafnframt óskað eftir að sveitarfélögin Húnabyggð og Skagafjörður geri ráð fyrir styttingu þjóðvegs 1 um svokallaða Húnavallaleið í Húnabyggð og Vindheimaleið í Skagafirði. Byggðarráð samþykkir samhljóða að hafna hugmyndum um styttingu þjóðvegar 1 framhjá Varmahlíð.Meira
