Stólarnir án sigurs eftir fyrri umferðina í 1. deildinni
Leikmenn Tindastóls virtust rúnir sjálfstrausti þegar vængbrotið lið þeirra fékk topplið Leiknis í heimsókn á Sauðárkróksvöll nú í kvöld. Sigur Breiðhyltinga var alltof auðveldur í ausandi rigningu á Króknum en lokatölur urðu 0-5.
Marga sterka pósta vantaði í lið Tindastóls og því verður Bjarki þjálfari að tefla fram reynslulitlum mönnum. Engu að síður fór leikurinn rólega af stað og Tindastólsmenn höfðu í fullu tré við gestina sem voru þó klárlega snarpari, grimmari á boltann og þrátt fyrir ágætar sóknir beggja liða lá í loftinu að gestirnir yrðu fyrri til að skora. Sú varð raunin á 33. mínútu en þá skiluðu leikmenn Tindastóls sér ekki í vörnina eftir fast leikatriði við mark Leiknis og ódýrt mark leit dagsins ljós. Einhverjir leikmanna Stólanna lögðust í jörðina af þessu tilefni líkt og leikurinn væri tapaður og svo sannarlega misstu strákarnir hausinn í framhaldinu því mínútu síðar gerðu þeir sig seka um herfileg mistök og Sindri Björnsson bætti við öðru marki sínu. Á 40 mínútu komst síðan Hilmar Árni Halldórsson á auðan sjó inn fyrir vörn Stólanna og renndi boltanum framhjá hinum síunga Gísla Sveins í marki Tindastóls. Síðasta stundarfjórðunginn hefðu gestirnir hæglega geta skorað fleiri en þrjú mörk en staðan 0-3 í hálfleik.
Það stytti loks upp í hálfleik, í það minnsta rigninguna, því ekki leið langur tími þar til fjórða mark gestanna leit dagsins ljós. Þá átti Figura afleitt innkast til móts við vítateig Stólanna, Leiknismenn fengu boltann og Kristján Páll Jónsson skoraði með föstu skoti frá vítateislínu án þess að nokkur stigi út í hann. Þegar líða tók á síðari hálfleik komust Stólarnir betur inn í leikinn, kannski vegna þess að gestirnir tóku fótinn aðeins af bensíninu. Þeir bættu þó við marki á 83. mínútu, Halldór skoraði þá annað mark sitt í leiknum og enn eftir klúður í vörn Tindastóls. Á lokamínútunum voru Tindastólsmenn óheppnir að skora ekki en þeir náðu nokkrum ágætum skotum en Leiknismenn komust fyrir skotin og vörðu meðal annars á línu. Lokatölur 0-5.
Tindastólsmenn gerðu sig seka um allt of mörg mistök í kvöld. Hlutir eins og að koma á móti boltanum, hjálparvörn, hlaupa til baka þegar bolti tapast, bjóða sig o.s.fr. voru of oft að klikka. Sumir voru að svekkja sig með því að liggja í jörðinni ef ýtt var við þeim í staðinn fyrir að stökkva á fætur og berjast við að ná boltanum aftur. Ekki það að Leiknisliðið er klárlega sterkara en þessir hlutir þurfa að vera í betra lagi ef árangur á að nást.
Nú er fyrri umferð 1. deildar búin og uppskera Tindastóls er rýr. Þrjú stig eftir 11 leiki en tvisvar hefur sigurstaða klúðrast í uppbótartíma þannig að heppnin hefur ekki fylgt liðinu. Það er ljóst að margt þarf að gerast til að liðið nái að halda sér uppi í 1. deild en það er óþarfi að leggja árar í bát – nú þarf að bíta á alla jaxla sem finnast og berjast fyrir hverju stigi. Áfram Tindastóll!
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
