Stólarnir með góðan sigur á Snæfelli í Powerade-bikarnum
Tindastólsmenn gerðu sér lítið fyrir og skelltu liði Snæfells í Stykkishólmi í gær í 8 liða úrslitum Powerade-bikarkeppninnar. Stólarnir náðu yfirhöndinni undir lok fyrsta leikhluta og héldu forystunni nokkuð örugglega allt til leiksloka. Lokatölur voru 70-83.
Sigurður Þorvaldsson hóf leikinn af krafti fyrir heimamenn og var atkvæðamestur Snæfellinga í leiknum, gerði 28 stig og dundaði sér talsvert á vítalínunni. Snæfell fór betur af stað en Ingvi og Pétur fóru fyrir Stólunum undir lok leikhlutans og staðan 15-19. Stólarnir héldu uppteknum hætti í byrjun annars leikhluta og Snæfell skoraði ekki eitt einasta stig í um 9 mínútur. Ekki að Stólarnir væru á einhverju flugi í sóknarleiknum en á þessum kafla breyttist staðan úr 15-12 í 15-27. Heimamenn vöknuðu þó aftur til lífsins og minnkuðu muninn í 30-36 fyrir hlé.
Í þriðja leikhluta var munurinn oftast á bilinu 8-10 stig en undir lok leikhlutans náðu Stólarnir góðum kafla og breyttu stöðunni úr 47-54 í 47-61 og munurinn því 14 stig fyrir lokaátökin. Mestur varð munurinn 18 stig snemma í fjórða leikhluta en þá spýtti Sigurður Þorvalds í lófana og gerði 11 stig á tveimur og hálfri mínútu og munurinn kominn í átta stig. Stólarnir stóðust þó áhlaup heimamanna sem minnkuðu muninn mest í sex stig en sóknir þeirra urðu ansi örvæntingarfullar þegar leið að lokum leiksins og Stólarnir juku muninn.
Dempsey var atkvæðamestur hjá Tindastóli með 23 stig og 11 fráköst en Lewis var skammt undan með 21 stig. Þá var Ingvi Rafn góður með 12 stig og 6 fráköst. Hittni heimamanna innan teigs var slök en þeir settu niður 13 körfur úr 41 tilraun en Stólarnir 26 í 55 tilraunum. Snæfellingar hittu betur utan 3ja stiga línunnar en vítahittnin var sú sama þó heimamenn fengju heldur fleiri vítaskot í leiknum. Þá reyndust Tindastólsmenn sterkari undir körfunni og tóku 49 fráköst á móti 41 Snæfellinga.
Stig Tindastóls: Dempsey 23, Lewis 21, Ingvi 12, Flake 6/9 frk., Helgi Rafn 6/6 frk., Pétur 4/5 frk./5 sts., Finnbogi 3, Sigurður 3, Hannes 2, Viðar 2 og Svavar 1. Helgi Margeirs því eini leikmaðurinn sem sleppti því að skora fyrir Stólana.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
