Stólastúlkur lögðu Hauka í Hafnarfirði
Stelpurnar í Tindastóli gerðu góða ferð í Hafnarfjörðinn sl. föstudagskvöld er þær tókust á við stöllur sínar í Haukum. Þær sunnanstelpur voru fyrirfram taldar sigurstranglegri í leiknum en norðanstúlkur ætluðu ekki að efa þeim neitt og sýndu sinn besta leik á tímabilinu og unnu sannfærandi.
Það var ekki fyrr en á 40. mínútu að Katrín Klara Emilsdóttir skoraði fyrsta mark leiksins fyrir gestgjafana eftir að þeir höfðu fengið óbeina aukaspyrnu vegna sendingar Stólanna til markvarðar sem tók boltann upp. Dómurinn mjög umdeildur þar sem Norðanliðið vildi meina að ekki hefði verið um sendingu til baka að ræða heldur barst boltinn til markvarðar eftir baráttu liðsmanna beggja liðanna. Engu að síður fór boltinn í netið og Haukar komnir yfir og staðan 1-0 í hálfleik og Gaui þjálfari kominn með gult spjald.
Í seinni hálfleik hélt sama barátta áfram, Stólastúlkur betri aðilinn í leiknum og staðráðnar að laga stöðuna. Það gerðu þær bandarísku, Leslie Briggs sem skoraði á 60. mínútu og jafnaði stöðuna og svo Carolyn Polcari níu mínútum síðar og kom Tindastóli yfir 2-1. Sú staða hélst allt til loka og Stólastúlkur fögnuðu kærkomnum sigri yfir erfiðum andstæðingi.
Tindastóll vippaði sér með sigrinum úr botnsætinu upp í það sjötta og sitja þar með 5 stig einu stigi á eftir Haukum.
Næsti leikur Tindastóls verður næsta miðvikudag á móti Álftanesi á Sauðárkróksvelli og þá eru allir hvattir til að mæta á völlinn og styðja við bakið á stúlkunum.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
