Stúlkurnar máttu þola tap í Grafarvoginum
Kvennalið Tindastóls spilaði um síðustu helgi við lið Fjölnis í Grafarvoginum í 1. deild kvenna í körfunni. Eftir erfiða byrjun náðu stelpurnar að krafsa sig inn í leikinn en það voru hinsvegar heimastúlkur sem voru sterkari á endasprettinum og unnu að lokum 16 stiga sigur, 70-54.
Jóna María gerði fyrstu körfu leiksins og kom Stólunum yfir í eina skiptið í leiknum. Það liðu rúmar sjö mínútur þangað til Bríet Lilja gerði næstu körfu Tindastóls en þá var staðan 12-5 og hún var 14-5 að loknum fyrsta leikhluta. Tikeyiah Ann Johnson hrökk í gang í öðrum leikhluta og eyddi þá talsverðum tíma á vítalínunni. Smá saman saxaðist á forskotið og þegar þrjár og hálfmínúta var til leikhlés var staðan 24-21. Fjölnisstúlkur gerðu síðustu fimm stig leikhlutans og staðan 29-21 í hálfleik.
Framan af þriðja leikhluta var munurinn á liðunum yfirleitt 10-12 stig en um miðjan leikhlutann setti Bríet Lilja niður þrist og staðan 41-38. Allt var í járnum til loka leikhlutans en þá var staðan 48-43 fyrir Fjölni. Tikeyiah minnkaði muninn í þrjú stig í upphafi fjórða leikhluta en síðan gerðu Tindastólsstúlkurnar ekki eitt einasta stig í fimm mínútur. Þegar Tikeyiah gerði næst körfu var staðan 58-47 og það reyndist heimastúlkum ekki erfitt að landa sigrinum úr því sem komið var.
Tikeyiah Ann Johnson gerði 29 stig fyrir Tindastól og tók 10 fráköst. Hún gerði 14 stig úr vítum. Bríet Lilja var með 10 stig en gekk illa með skotin sín. Linda Þórdís tók 14 fráköst í leiknum.
Stelpurnar spila gegn KFÍ á Ísafirði nú á laugardaginn og í Njarðvík sunnudaginn 8. febrúar. Það verður síðan loks heimaleikur við lið FSu/Hrunamenn sunnudaginn 15. febrúar kl. 12:00.
Stig Tindastóls: Johnson 29, Bríet Lilja 10, Þóranna Ósk 7, Linda Þórdís 4, Jóna María 2 og Sunna 2.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
