Stunda íþróttirnar utan dyra - Eldri borgarar á Hvammstanga bregðast við fjöldatakmörkunum í ræktinni
Eins og allflestir finna fyrir á þessum Covid-tímum er að flestar, ef ekki allar, samkomur af hvers kyns tagi eru háðar fjöldatakmörkunum og jafnvel bannaðar með öllu. Kemur þetta misvel, eða illa, niður á fólki og misjafnt hvernig brugðist er við. Á Hvammstanga tóku eldri borgarar á það ráð að stunda sínar íþróttir úti á svölum meðan þjálfarinn leiðbeinir þeim á gangstéttinni fyrir utan.
Það er Stella Guðbjörnsdóttir sem leiðbeinir eldri borgurunum í leikfiminni og sér líka um handavinnuna hjá þeim tvisvar í viku. „Þau gera bara það sem þau vilja og ég hjálpa þeim við það,“ segir Stella um handavinnuna sem þarf að kunna ýmislegt í sínu starfi. „Ég er líka svo heppin að þau kenna mér ýmislegt og margt er rætt í þessum tímum. Ég hef sagt að ég er svo lánsöm að vera í þessu starfi og fá að umgangast þennan aldurshóp þau eru dásamleg.“ Stella býr á Hvammstanga og hefur búið að mestu en hún er fædd og alin upp á Svalbarði á Vatnsnesi en alls voru systkinin ellefu talsins. Foreldrar hennar heita Guðbjörn Breiðfjörð, sem nú er látinn, og Sigurlaug Helga Árnadóttir. Hún segist alltaf hafa þótt gaman að hjálpa fólki, stunda handavinnu og hreyfa sig.
Allir saman nú, 1,2 og 3. Guðrún Árnadóttir Borgþór Sigurjónsson og Gunnlaugur Valdimarsson taka léttar æfingar.
„Það var haustið 1994 sem Eyjólfur Eyjólfsson kom til mín og bað mig að hugsa það hvort ég væri til í að sjá um íþróttir fyrir aldraða en ég mátti samt ekki hugsa málið því það yrði námskeið fyrir leiðbenendur eftir tvo daga sem ég ætti að fara á. Ég hafði ekki brjóst í mér til að segja nei við mannin og fór því á námskeiðið og tók að mér íþróttastarfið og hef aldrei séð eftir því. Ég er búin að vera leiðbeinandi með íþróttir síðan,“ segir Stella sem kennir leikfimi einu sinni í viku í Nestúni en þar eru íbúðir eldri borgara og salur fyrir félagsstarf. „Svo er vatnsleikfimi einu sinni í viku. En á þessum Covid tímum höfum við ekki alltaf mátt vera inni svo við förum bara út á svalir eða út fyrir dyr þar sem ég stend á gangstéttinni fyrir ofan Nestún og leiðbeini þeim. Þetta finnst þeim alveg meiriháttar skemmtilegt. Við gerum líka smá grín í leiðinni. Ég óttast stundum að það geti orðið bílslys þegar við erum úti. En það er bara gaman að fólk sjái eldri borgara koma út og hreyfa sig.“
Elinborg Ólafsdóttir, Jóhanna Þórarinsdóttir, Haukur Árnasón og Hildur Guðmundsdóttir létu sig ekki vanta á útiæfingu Stellu.
Nú hafa margir kvartað yfir því að hafa ekki komist í ræktina, ertu með einhver skilaboð til þeirra?
„Já við heyrum fólk alltof oft kvarta yfir því að mega ekki fara í líkamsræktarstöðvarnar og gera æfingar. Við höfum talað um það að yngra fólkið eigi ekki að kvarta þetta heldur hugsa út fyrir kassann og fara út og hreyfa sig, það ýmislegt hægt að gera úti,“ útskýrir Stella. Hún segir þetta áskorun fyrir alla að takast á við og nú í haust hafa veðurguðirnir verið þeim hliðhollir.
Áður birst í 44. tbl. Feykis 2020
Fleiri fréttir
-
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.