Styrktarhlaup Einstakra barna þann 1. maí á Króknum
feykir.is
Skagafjörður, Austur-Húnavatnssýsla, Vestur-Húnavatnssýsla
25.04.2025
kl. 08.33
Hluti af „Rammvilltum 550“ hlaupaskvísunum. MYND BRÍET GUÐMUNDSDÓTTIR.
Það er að skapast sú fallega hefð að halda styrktarhlaup þann 1. maí á Sauðárkróki fyrir Einstök börn. Allt skipulag í kringum hlaupið er í höndum hlaupahópsins 550 Rammvilltar en fyrst hlaupið var haldið árið 2023. Þetta er því í þriðja skiptið sem þær stöllur setja þennan viðburð á og hefur þátttaka farið fram úr björtustu vonum. Rúmlega 200 manns hlupu, gengu eða hjóluðu sér til gamans í fyrra og vonast skipuleggjendur að svipuð þátttaka verði þetta árið. Nú þarf bara að grafa upp hlaupaskóna og koma sér í hlaupagírinn fyrir 1. maí.
Upphitun hefst við Sundlaug Sauðárkróks upp úr kl. 13:30 og hefst sjálft hlaupið kl. 14:00. Tvær leiðir verða í boði, 3 og 5 km, sem hægt er að stytta eða lengja að vild - hlaupandi, gangandi eða hjólandi. Aðalmálið er bara að mæta, hafa gaman og njóta útiverunnar saman! Í boði verða hreyfibingóspjöld fyrir börnin, drykkur við endamark og frítt í sund fyrir þátttakendur að hlaupi loknu - opið til kl. 17.
Þátttakendur eru hvattir til að mæta í litríkum og/eða glitrandi fötum í anda Einstakra barna. Takmarkað magn verður af bolum frá Einstökum börnum til sölu á staðnum fyrir áhugasama, en við bendum á vefverslun Einstakra barna á heimasíðu félagsins fyrir þau sem vilja tryggja sér boli eða annan varning fyrir hlaupið.
Frjáls framlög verða á staðnum til styrktar Einstökum börnum, auk þess sem hægt er að millifæra á 0161-15-631208, kt. 120889-3389.
Hlaupum, löbbum eða hjólum saman
Öll velkomin!
Fleiri fréttir
-
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira -
Opið fyrir umsóknir í Slipptöku Driftar EA 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 12.16Drift EA er að fara af stað með mjög spennandi nýsköpunarprógramm fyrir frumkvöðla og teymi með þróaðar hugmyndir. Um er að ræða fjórar vinnustofur sem endar á kynningu – og getur opnað leið fyrir þátttakendur inn í Hlunninn, ársprógramm með fjármagni, ráðgjöf og stuðningi. Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn.Meira -
Afmælishátíð Hollvinasamtaka HSB
feykir.is Austur-Húnavatnssýsla, Lokað efni 25.04.2025 kl. 09.45Þann 19. apríl voru 20 ár frá stofnun Hollvinasamtaka HSB. Að því tilefni verður efnt til afmælishátíðar í húsakynnum HSN á Blönduósi, næstkomandi sunnudag 27. apríl kl. 13:00-16:00.Meira -
Ægir Björn keppir á WodlandFest
feykir.is Skagafjörður, Íþróttir 25.04.2025 kl. 09.30Í morgun byrjaði hin fræga WodlandFest í Malaga á Spáni en þetta er einn af stærstu CrossFit viðburðum ársins í greininni og stendur yfir í þrjá daga. Þarna keppist besta CrossFit íþróttafólk í heimi um sæti á verðlaunapallinum og þeir sem enda í tveimur efstu sætunum fá keppnisrétt á Crossfit heimsleikana. Þessi viðburður sameinar því keppni, samfélag og adrenalín í umhverfi sem er hannað til að hvetja til mikilleika í CrossFit heiminum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.