Sauma innkaupapoka til láns
Í byrjun þessa árs var stofnaður hópur á Facebook undir nafninu Saumum innkaupapoka til láns en nafninu hefur nú verið breytt í Pokastöðin í Skagafirði. Sú sem á heiðurinn af stofnun hans er Þuríður Helga Jónasdóttir, kennari við Grunnskólann austan Vatna á Hólum og Hofsósi, og fljótlega gekk Svanhildur Pálsdóttir, hótelstjóri í Varmahlíð, í hópinn. Hleyptu þær af stokkunum saumahópum sem hafa hist öðru hvoru í þeim tilgangi að sauma innkaupapoka sem hægt verður að fá að láni í verslunum. Enn sem komið er hafa engir karlar sinnt kallinu en þó nokkur hópur kvenna hefur lagt sitt af mörkum og hafa þær tekið sér vinnuheitið Skreppur en orðið getur þýtt skjóða eða malur og nota þær heitið jafnt á konurnar sjálfar og pokana.
Hugmyndin að verkefninu kviknaði þegar Helga sá sambærilegt verkefni í Ástralíu sem kallast Boomerang Bags. Á sama tíma las Svana um Pokastöðina á Höfn í Hornafirði og saman létu þær til skarar skríða og nú hafa saumahópar tekið til starfa út um allan fjörð þar sem saumaðir eru pokar úr gömlum gardínum, bolum, skyrtum og hverju því sem til fellur. Nýlega gerðist svo Pokastöðin í Skagafirði formlega aðili að Boomerang Bags. Ætlunin er að byrja á að setja upp pokastöðvar í þremur verslunum á svæðinu, í KS Varmahlíð og Hofsósi og í Hlíðarkaupum og einnig hefur Héraðsbókasafnið sýnt áhuga á að vera með. „Okkur langar til að geta komið pokunum í búðirnar í byrjun maí, við viljum opna pokastöðvarnar í öllum búðunum á sama tíma og þá þurfum að eiga nokkur hundruð poka fyrir hverja búð svo betur má ef duga skal,“ segja þær stöllur.
Þær Svana og Helga vilja gjarna koma því á framfæri að ef fólk vill styrkja þær, t.d. efnaverslanir með gömlum efnum af lager, og ekki síður tvinna, þá taki þær því með feginshendi. Það eiga allir eitthvað sem hægt er að nota, gamlar vinnuskyrtur og boli, gardínur, dúka og sængurfatnað, sama þó það sé slitið, það má þá sníða höldur úr því. Einnig benda þær á að Facebookhópurinn er galopinn, allir geta „addað“ öllum og eru hvattir til þess.
Nánar má lesa um verkefnið í nýjasta tölublaði Feykis.
Fleiri fréttir
-
Heima í stofu í kvöld | Áskell Heiðar í spjalli
feykir.is Skagafjörður, Listir og menning 30.04.2024 kl. 09.06Viðburðasénið Áskell Heiðar Ásgeirsson, sem við Skagfirðingar eignum okkur þó hann sé vissulega fæddur og uppalinn á Borgarfirði eystra, býður okkur „Heim í stofu“ núna í Sæluviku. Hann er vissulega ekki að bjóða okkur heim í sína stofu heldur getum við keypt okkur miða á tónleika sem verða haldnir á sex mismunandi heimilum og stöðum á Sauðárkróki. Nú er þetta að bresta á því Heima í stofu er einmitt í kvöld!Meira -
Jóhann Örn ráðinn í nýtt starf tengslafulltrúa hjá Húnaþingi vestra
feykir.is Vestur-Húnavatnssýsla 30.04.2024 kl. 08.33Jóhann Örn Finnsson var í gær boðinn velkominn í nýtt og spennandi starf sem styðja mun við farsæld barna í Húnaþingi vestra. Á heimasíðu sveitarfélagins segir að hann hafi verið ráðinn í nýtt starf tengslafulltrúa á fjölskyldusviði sem auglýst var á dögunum.Meira -
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.