Sundlaugavörður bjargar barni frá drukknun
Stúlkubarn var hætt komið í Sundlauginni á Hofsósi síðdegis í gær þegar hún laumaðist frá foreldri sínu og í djúpu laugina. Sundlaugavörður sá barnið í erfiðleikum fyrir miðri laug og stakk sér til sunds.
Þónokkur fjöldi fólks var í lauginni þegar atvikið átti sér stað í gær um kl. 17:30. „Þegar ég sá hana átti hún í stökustu erfiðleikum að halda sér á yfirborðinu,“ segir Ævar Jóhannsson sundlaugavörður þegar Feykir hafði samband við hann um málið.
Stúlkan, um 5-6 ára gömul, hafði laumast frá foreldri sínu á meðan það var að sinna öðru barni. Eftir að hún jafnaði sig var hún höfð aðeins lengur í lauginni en að sögn Ævars vilja börn, sem lenda í erfiðleikum og eru kippt beint úr lauginni, verða hrædd við að fara aftur í sund.
„Þetta fór eins vel og hægt var,“ sagði Ævar en samskonar atvik hafa átt sér stað í lauginni en þetta var í fyrsta sinn sem hann hefur þurft að stinga sér á eftir barni. Fram til þessa hafa þau verið nær bakkanum og því verið hægt að kippa í þau.
Ævar segir nauðsynlegt fyrir alla að vera vel á verði þegar börn eru annars vegar; sundlaugaverðir jafnt sem foreldrar og aðrir sundlaugagestir.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
