Svar við bréfi Helgu er minnisstæð
Stefanía Anna Garðarsdóttir svaraði spurningum Bók-haldsins í Feyki í 5. tölublaði ársins 20019. Hún er starfsmaður Stéttarfélagsins Samstöðu á Blönduósi, er alæta á bækur að eigin sögn og er fastagestur á Héraðsbókasafni A- Húnvetninga á Blönduósi. Undanfarið hefur hún verið nokkuð upptekin af lestri spennu- og glæpasagna þó vissulega grípi hún alltaf í annars konar bókmenntir.
Hvers konar bækur lestu helst?
Ég hef alltaf átt gott með að gleyma mér yfir góðri bók. Það má segja að ég sé nánast alæta á bækur, spennu og glæpasögur hafa verið dálítið fyrirferðarmiklar að undanförnu enda framboðið gott, bæði íslenskar og norrænar. Einnig finnst mér bækurnar hennar Ann Cleeves skemmtilegar. Eftir nokkrar þannig er gott að breyta til og taka eitthvað í öðrum dúr, ég hef gaman af fjölskyldusögum og nefni sem dæmi bækurnar um fjölskylduna á Neshov eftir norska höfundinn Önnu B. Ragde. Bækurnar eftir Jenny Colgan um bakaríið við Strandgötu hafa veitt mér ánægju. Ég les líka ævisögur, ferðasögur og léttmeti inn á milli. Barnabækur les ég þegar barnabörnin heiðra mig með nærveru sinni og las síðast Ljóðpundarann eftir Þórarinn Eldjárn, myndskreytta af Sigrúnu Eldjárn.
Hvaða bækur voru í uppáhaldi hjá þér þegar þú varst barn?
Ég man ég átti bók sem heitir Kibba kiðlingur, Dísu ljósálf las ég með tárin í augunum. Bækurnar um Fimm fræknu eftir Enid Blyton voru mjög spennandi. Síðan las ég flest það sem í boði var.
Hver er uppáhaldsbókin af þeim sem þú hefur lesið gegnum tíðina?
Ég get ekki nefnt eina uppáhaldsbók en bókin Svar við bréfi Helgu eftir Bergsvein Birgisson er mér minnisstæð.
Hver er þinn uppáhaldsrithöfundur og hvers vegna?
Ég á mér ekki einn uppáhaldsrithöfund en les alltaf bækurnar eftir Arnald Indriðason. Varðandi barnabækur vil ég nefna Guðrúnu Helgadóttur svo er Guðrún frá Lundi í sérflokki, en hér mætti vissulega nefna fleiri.
Hvaða bækur eru á náttborðinu hjá þér þessa dagana?
Það eru alltaf nokkrar bækur á náttborðinu hjá mér. Nú eru þar Flateyjargátan eftir Viktor Arnar Ingófsson, Manneskjusaga eftir Steinunni Ásmundsdóttur, Aðventa eftir Gunnar Gunnarsson, Dóttir gæfunnar eftir Isabel Allende og ég er nýbúin að lesa Lifandilífslækur eftur Bergsvein Birgisson. Þar leynist einnig gömul bók um svæðanudd sem er búin að vera þar lengi.
Áttu þér uppáhaldsbókabúð?
Allar bókabúðir eru góðar, ég nefni Eymundsson á Akureyri.
Hvað áttu margar bækur í bókahillunum heima hjá þér?
Það eru nokkuð margar bækur til á mínu heimili, þrátt fyrir að við töpuðum slatta í vatnstjóni fyrir nokkrum árum þá skipta þær einhverjum hundruðum. Ég eignast svona 6 - 8 bækur á ári, ég er í bókaklúbbi og svo kaupi ég eina og eina, sumar gef ég svo eða reyni að láta þær ganga áfram. Ég gef alltaf fleiri bækur í jólagjöf heldur en ég fæ.
Hefur einhver bók sérstakt gildi fyrir þig?
Ég eignaðist vísnabók sem heitir En hvað það var skrýtið eftir Stefán Jónsson þegar ég var barn sem var og er mikið uppáhald, hún var upphaflega gefin út 1949 og endurútgefin 2000. Ég var svo heppin að rekast á eintak af endurútgáfunni fyrir nokkrum árum, það verður að segjast að mín gamla var orðin ansi snjáð, á hana samt enn.
Ef þú ættir að gefa einhverjum sem þér þykir vænt um bók, hvaða bók yrði þá fyrir valinu?
Það færi svo algjörlega eftir því hverjum ég væri að gefa.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.