Sveitarfélagið Skagafjörður hlýtur gæðaviðurkenningu menntaáætlunar Evrópusambandsins
Að byggja brú milli leik- og grunnskóla, verkefni Sveitarfélagsins Skagafjarðar, hlaut í gær gæðaviðurkenningu menntaáætlunar Evrópusambandsins við hátíðlega athöfn Ásmundarsafni. Tíu verkefni, sem hafa verið styrkt af áætluninni, hljóta viðurkenningarnar í ár. Verkefnin eiga það sammerkt að hafa sýnt fram á nýsköpun og nýbreytni í menntun, stuðlað að þátttöku fjölbreyttra hagsmunahópa í alþjóðasamstarfi og haft áhrif á skólastarf einstakra stofnana sem og víðtækari áhrif í skólasamfélaginu.
Á vefnum Erasmusplus.is segir að Sveitarfélagið Skagafjörður fái viðurkenningu fyrir að stýra velheppnuðu svæðasamstarfi þar sem sérstök áhersla var lögð á aðferðir til að tryggja að skilin á milli tveggja skólastiga, leik- og grunnskóla, verði sem minnst. Niðurstöður verkefnisins nýtast áfram innan sveitarfélagsins og hafa m.a. verið birtar í Nordic Educational Magazine í samstarfi við Menntavísindasvið Háskóla Íslands.
Það var Illugi Gunnarsson, mennta- og menningarmálaráðherra, sem veitti viðurkenningarnar sem eru í formi myndverka hönnuð voru af 15 nemendum á öðru ári í teiknideild í Myndlistarskóla Reykjavíkur.
Verkefnin sem hljóta gæðaviðurkenningarnar 2015 eru:
eTwinning
- Hvað finnum við undir fótum okkar? Heilsuleikskólinn Krókur, Grindavík
- Lesum heiminn, Leikskólinn Holt, Reykjanesbær
Erasmus+
- Sterkari saman, Lundarskóli, Akureyri
- Að byggja brú milli leik- og grunnskóla, Sveitarfélagið Skagafjörður
- Íslenskir iðnnemar í vinnustaðanámi í Evrópu, Iðan fræðslusetur
- Starfsfóstri, Verkmenntaskólinn á Akureyri
- Sumarskóli Rannsóknarseturs um smáríki, Háskóli Íslands
- Erasmus stúdenta- og starfsmannaskipti, Listaháskóli Íslands
- Fegurð hannyrðanna, Þingborg ullarvinnsla
- Art-is, Sólheimar
Hér má sjá nánari upplýsingar um Að byggja brú milli leik- og grunnskóla, verkefni Sveitarfélagsins Skagafjarðar.
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
