Syngdu mig heim
Þann 28. mars sl. voru 100 ár liðin frá fæðingu skáldsins þjóðkunna Jóns frá Ljárskógum. Í tilefni þess verða haldnir tónleikar í Félagsheimilinu Hvammstanga föstudaginn 29. ágúst kl. 20:30. Að tónleikunum stendur einvala lið íslenskra tónlistarmanna sem flytur mörg þekktustu söngljóð skáldsins, þar á meðal nokkur lög sem M.A.-kvartettinn gerði fræg og heyrast nú í upprunalegri útsetningu þeirra í fyrsta skipti í 70 ár.
Boðið verður upp á afar fjölbreytta dagskrá, allt frá íslenskum dægurlögum og sígildum söngperlum til amerískra sveitasöngva og ítalskra söngljóða. Atriðin eru af ýmsum toga, einsöngur, dúett, kvartett og kór, en meðal flytjenda má nefna nýstofnaðan söngkvartett í anda M.A.-kvartettsins..
Jón frá Ljárskógum var líklega vinsælasti tónlistarmaður landsins á sinni tíð. Strax um tvítugt söng hann sig inn í hug og hjörtu þjóðarinnar ásamt félögum sínum í M.A.-kvartettinum sem telja má fyrstu dægurstjörnur Íslands. Svo rækilega sló kvartettinn í gegn að fá hliðstæð dæmi er að finna í íslenskri tónlistarsögu. Jón var þar jafnan fremstur í flokki, bæði þeirra aðalsmerki og höfuðskáld. Söngljóð þau sem hann gerði fyrir kvartettinn og aðra söngvara urðu snemma á allra vörum. Söngtextar á borð við „Blærinn í laufi“, „Húmar að kveldi“, „Ó, Súsanna“ og „Sestu
hérna hjá mér ástin mín“ slógu strax í gegn og hafa lifað með þjóðinni æ síðan.
Ljóð Jóns þóttu bæði þíð og einlæg og hann markaði sér frá upphafi stöðu sem lýrískt skáld sem flutti mönnum vor, birtu og bjartsýni. Hann lést aðeins 31 árs úr berklum en þrátt fyrir stutta ævi liggja eftir hann tvær frumortar ljóðabækur og veglegt söngtextahefti. Þá hefur söngur hans og M.A.-kvartettsins ómað reglulega í útvarpinu síðustu 70 árin á þeim fáu upptökum sem varðveist hafa.
Tónleikarnir, sem fyrst voru fluttir í Vídalínskirkju sl, vor, eru einstakur viðburður sem ekki hefði getað átt sér stað nema vegna mikillar rannsóknarvinnu sem liggur að baki þeim og eru liður í viðamikilli sagnfræðirannsókn á sögu M.A.-kvartettsins og dægurtónlistarsögu Íslands á millistríðsárunum. Á tónleikunum gefst áheyrendum því einstakt tækifæri til að upplifa þá miklu sönggleði og sönggrósku sem ríkti á Íslandi á árunum fyrir seinna stríð og segja má að hafi kristallast í persónu Jóns frá Ljárskógum, einnar stærstu stjörnu þess tíma.
Aðgangseyrir á tónleikana er kr. 2000 og í fréttatilkynningu er vakin athygli á því að ekki er posi á staðnum.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
