Sýningin „Ár og kýr“ – 365 kúamyndir
Allar 365 kúamyndirnar hans Jóns Eiríkssonar á Búrfelli í Húnaþingi vestra eru komnar heilar á húfi í Grettisbólið á Laugarbakka og verða þar til sýnis fram yfir Verslunarmannahelgina.
Landsvirkjun á verkið en lánar það endurgjaldslaust heim í héraðið. Wool Factory Shop Kidka og sláturhúsið SKVH á Hvammstanga styrkja flutninginn. Opnunartími í Grettisbóli er mán. til laugard. frá kl. 13 til 18. Verið hjartanlega velkomin til að skoða þessa sýningu, aðgangur er ókeypis.
Jón Eiríksson er bóndi á Búrfelli og býr við kindur, hross og kýr. Hann ásetti sig að mála eina mynd af kúum á hverjum degi árið 2003 og stóðst við það, hvað sem á gekk. Myndirnar hans eru einstaklega skemmtilegar og litríkar, og framsetningin er það einnig: Heildarverkið er komið fyrir í 12 stólpum sem hver geimir einn mánaðarverk af kúamyndum. Þannig gefst áhorfendum tækifæri til að finna „sína“ daga eins og afmælis- eða brúðkaupsdaginn.
Í Grettisbóli er rekin sveitamarkaður með matvæli og handverk úr héraði. Með örfáum undantekningum eru allar vörur búnar til í héraði. Handverk úr hófi, horni, hrosshári og beini er unnið úr hráefni sem fellur til í sláturhúsi á Hvammstanga og er unnið frá grunni, sem í sumum tilvikum er áralangt ferli. Vöruúrvalið er mjög fjölbreytt og hefur skírskotun til forna vinnubragða. Krakkahorn með gamaldags leikföngum og víkingabúningum er einnig í Grettisbóli. Börnum finnst gaman að setja sig í spór víkingakrakka og sveifla trésverði eða „elda“ graut.
Grettisgarður er við Grettisból en þar gefst gestum tækifæri til að æfa sig í bogfimi, snæða nestið sitt í stórum og skjólsælum steinhring og jafnvel kveikja í langeld og segja sögur.
Það er nóg að gera í Grettisbóli!
/Fréttatilkynning
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
