Tap gegn Víkingi en sætið í 1. deild loksins öruggt
Tindastóll og Víkingur Reykjavík áttust við á Sauðárkróksvelli í dag í 1. deildinni í knattspyrnu. Stólarnir áttu ekki góðan leik enda talsvert farið að kvarnast úr liðinu og unnu gestirnir sanngjarnan 3-0 sigur.
Talsverður sunnan strekkingur var á meðan á leik stóð og var það ekki til að gera leikmönnum auðveldara fyrir. Tindastóll hafði vindinn í bakið í fyrri hálfleik en það voru gestirnir sem sköpuðu sér nokkur ágæt færi eftir snarpar skyndisóknir. Stólunum gekk afleitlega að komast í færi og alltof oft duttu leikmenn í að reyna langar þversendingar eða stungur og yfirleitt með þeim árangri að boltinn fór út af. Þetta sýndi sig strax í upphafi en ekki virtust leikmenn Tindastóls læra af mistökunum og héldu uppteknum hætti út hálfleikinn. Stólarnir, sem eru orðnir ansi þunnskipaðir, urðu fyrir áfalli á 27. mínútu en þá varð Björn Anton fyrir meiðslum og inn kom Christopher Harrington sem var í raun eini leikhæfi leikmaðurinn á bekknum. Á 36. mínútu gerðu Víkingar glæsilegt mark úr skyndisókn. Stólarnir fengu aukaspyrnu á ágætum stað, Víkingar unnu boltann og sóttu hratt upp vinstri kantinn, sendu nákvæma sendingu inn á teiginn þar sem Viktor Jónsson var í dauðafæri og skoraði af öryggi. Staðan 0-1 í hálfleik.
Stólarnir reyndu hvað þeir gátu að koma sér inn í leikinn í síðari hálfleik en það voru gestirnir sem fengu nokkur dauðafæri sem þeim mistókst að nýta. Árni Arnarson var sendur í sturtu á 62. mínútu eftir að hafa fengið tvö gul, það fyrra kannski nokkuð harkalegt í fyrri hálfleik en hann átti skilið seinna gula spjaldið. Nú var við ramman reip að draga. Besta færi Tindastóls í leiknum fékk Chris Tsonis, fékk sendingu inn fyrir vörn Víkings, kom sér í ágætt skotfæri einn á móti Kale í marki Víkinga en kiksaði með miklum tilþrifum og boltinn skoppaði til hliðar. Skelfilegt. Skömmu síðar tók Kristinn Magnússon hornspyrnu fyrir Víking og sigldi boltanum beint í markið með hjálp sunnanvindsins. Robin Nijman gerði þriðja og síðasta mark leiksins á 78. mínútu. Jordan Branco reyndi að hreinsa frá vítateig Stólanna en sendi boltann í leikmann Víkings og þaðan barst boltinn í Robin sem var á auðum sjó og skoraði af öryggi. Gestirnir voru nær því að bæta við mörkum en Stólarnir að minnka muninn og lokatölur 0-3.
Leikmenn Tindastóls virkuðu frekar áhugalitlir í dag og höfðu kannski ekki trú á verkefninu. Talsverðar breytingar eru á liðinu sökum meiðsla og einhverjir eru farnir af landi brott og ljóst að þunnskipaður hópurinn má ekki við miklum áföllum. Nú hefði verið gott að leikmenn hefðu ekki yfirgefið skútuna í júlíglugganum. Lið Víkings spilaði ágætlega á köflum og kom vel skipulagt til leiks. Engu að síður var ljóður á leik þeirra hvernig leikmenn hentu sér ítrekað niður við minnstu snertingu æpandi á dómarann sem féll oftar en ekki í gildruna.
Tindastólsmenn geta þó glaðst yfir því að Þróttur Reykjavík lagði KF í dag og því ljóst að Stólarnir eru öruggir með sæti sitt í deildinni.
Fleiri fréttir
-
Vinnsluholan að Reykjum var vígð í dag
feykir.is Austur-Húnavatnssýsla, Lokað efni 13.06.2025 kl. 20.02Ný vinnsluhola, RR-38, var formlega vígð í dag, föstudaginn 13. júní, að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu.Meira -
Selma Barðdal er nýr skólameistari FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 13.06.2025 kl. 17.06Líkt og Feykir hefur greint frá þá ákvað Ingileif Oddsdóttir skólameistari Fjölbrautaskóla Norðurlands vestra að láta af störfum að loknu skólaári. Nú hefur Guðmundur Ingi Kristinsson, mennta- og barnamálaráðherra, skipað nýjan skólameistara og það er Selma Barðdal Reynisdóttir sem hefur verið sett í embætti skólameistara FNV til fimm ára frá 1. ágúst næstkomandi.Meira -
Fjörutíuogþrír nemendur brautskráðust frá Háskólanum á Hólum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 13.06.2025 kl. 14.38Brautskráning Háskólans á Hólum fór fram þann 6. júní sl. Alls voru 43 nemar brautskráðir að þessu sinni. Flest þeirra luku diplómu í viðburðastjórn, alls 25 nemar. Dagbjört Lena Sigurðardóttir og Sigriður Lína Daníelsdóttir hlutu enn fremur verðlaun fyrir afbraðsárangur í námi í viðburðastjórn. Aðsókn í viðburðastjórnun hefur verið mjög mikil á undanförnum árum og stefnir skólinn á að bjóða upp á framhaldsnám í faginu innan skamms.Meira -
Strandveiðar | Steinar Skarphéðinsson skrifar
feykir.is Skagafjörður, Aðsendar greinar 13.06.2025 kl. 13.50Laust eftir síðustu aldamót fékk ég þá flugu í höfuðið að láta byggja fyrir mig bát sem ég og gerði. Þessi bátur átti að vera skemmtibátur þar sem ekki var leyft að hefja nýsmíði fiskibáta nema úrelding kæmi á móti. Svo kom Valdimarsdómurinn sem öllu breytti og þá lét ég breyta smíðinni þannig að um fisikibát væri að ræða. Þennann bát gerði eg út til ársins 2018 að ég seldi hann.Meira -
Skáksamband Íslands stofnað fyrir 100 árum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.06.2025 kl. 13.39Skáksamband Íslands 100 ára – Íslandsmót haldið á Blönduósi þar sem allt byrjaði Þann 23. júní 1925 var Skáksamband Íslands stofnað í læknisbústaðnum á Blönduósi af sex skákfélögum af Norðurlandi.Meira
