Tap hjá Stólastúlkum í síðasta heimaleik sumarsins
Í sunnudagsblíðunni í gær þá fengu Tindastólsstúlkurnar eitt af toppliðum 1. deildarinnar, HK/Víking, í heimsókn. Gengi Tindastóls hefur ekki verið gott í síðustu leikjum og hver leikurinn af öðrum tapast og það varð engin breyting á því í gær þrátt fyrir ágæta frammistöðu. Lokatölur voru 0-2 fyrir gestina.
Markalaust var í fyrri hálfleik en á 63. mínútu kom Ísafold Þórhallsdóttir liði HK/Víkings yfir og Karólína Jack gulltryggði síðan sigurinn með marki á 90. mínútu.
Tímabilið hjá stelpunum hefur valdið talsverðum vonbrigðum en liðið hefur sýnt í fjölmörgum leikjum að það býr meira í því en stigataflan segir til um en lið Tindastóls er neðst í 1. deildinni með átta stig eftir 17 leiki og er fallið í 2. deild. Stelpurnar hafa, þegar ein umferð er eftir, unnið tvo leiki (gegn ÍR og ÍA sem eru um miðja deild), gert tvö jafntefli (gegn HK/Víkingi og Þrótti sem eru í toppbaráttunni) en tapað 13 leikjum.
Flestir þessara leikja töpuðust með litlum mun og lið Tindastóls náði oft ágætum leik gegn sterkari liðum deildarinnar. Það var hins vegar grátlegt að allir leikirnir gegn liðunum í næstu sætum fyrir ofan Tindastól (Víkingi Ólafsvík, Hömrunum Akureyri og Sindra Hornafirði) töpuðust og þar með möguleikinn á að halda sér í 1. deildinni. Lið Tindastóls virtist vera komið á rétta braut um mitt sumar en missti þá Ólínu fyrirliða og Evu Banton og náði ekki að finna taktinn eftir það.
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
