Það á að birta til á morgun
Heldur hefur lengst í gulu veðurviðvöruninn sem Veðurstofan skellti á Norðurland vestra í byrjun vikunnar. Fyrst átti hún að standa í um sólarhring, frá mánudegi til þriðjudags en nú þegar fimmtudagurinn rennur upp rennblautur og norðanbarinn þá er enn gul viðvörun og ekki útlit fyrir að henni verði aflétt fyrr en aðfaranótt föstudags.
Spáð er hellirigningu í Skagafirði í allan dag og dregur ekki úr að ráði fyrr en undir miðnætti. Heldur fá Húnvetningar færri dropa í dag enn grannarnir austan við þá. Enn er tiltölulega napurt, hitinn yfirleitt þetta 1-5 stig í dag og gæti síðan fryst á heiðum í nótt þannig að gera má ráð fyrir lítilsháttar snjókomu á Öxnadalsheiði og Holtavörðuheiði og ekki ólíklegt að Vatnsskarð og Þverárfjallið lúti sömu lögmálum.
Allir vegir eru greiðfærir sem stendur nema reyndar Þverárfjallsvegur en þar er krap á vegi og éljagangur sem stendur. Siglufjarðarvegur úr Fljótum og til Sigflufjarðar er greiðfær en vegna mikillar úrkomu er varað við mögulegum ofanflóðum á veginn og er möguleiki á grjóthruni, skriðum og krapaflóðum. Vegfarendur eru beðnir um að fara um með gát.
Veðurstofan gerir ráð fyrir að það birti til á morgun og vindur verði yfirleitt þetta 5 m/sek að norðan sem er jú talsverð framför frá síðustu dögum. Það verður engin sérstök sumarblíða um hvítasunnuhelgina en veður þó skaplegt.
Fleiri fréttir
-
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira -
Spáð skaplegu veðri um hvítasunnuna en engum hlýindum
feykir.is Skagafjörður, Austur-Húnavatnssýsla, Vestur-Húnavatnssýsla 06.06.2025 kl. 10.00Loks virðist veðrinu vera að slota hér á Norðurlandi vestra og útlit fyrir skaplegt veður um hvítasunnuhelgina þó ekki verði reyndar hlýindunum fyrir að fara. Í morgun var kalt á Króknum og það meira að segja snjóaði pínu í morgunsárið. En nú gerir Veðurstofan ráð fyrir að það birti þegar líður á daginn en almennt er reiknað með um fimm stiga hita og fimm m/sek að norðan í dag.Meira -
BioPol hlaut styrk frá Matvælasjóði
feykir.is Austur-Húnavatnssýsla, Lokað efni 06.06.2025 kl. 09.26Sjávarlíftæknisetrið BioPol á Skagaströnd fékk nýverið tæplega þrigga milljón króna styrk frá Matvælasjóði til verkefnis sem kallast SeaTofu og snýst um að kanna fýsileika, greina og útfæra hugmynd tengdri íslenskri matvælaframleiðslu. Alls hlutu 40 verkefni styrk að þessu sinni en 129 umsóknir upp á rúmlega tvo milljarða bárust til sjóðsins.Meira
