Þétt setinn bekkurinn á Hrossablóti í Varmahlíð
Árlegt Hrossablót Söguseturs íslenska hestsins og Hótel Varmahlíðar var haldið síðastliðið laugardagskvöld. Uppselt var á blótið og komust færri að en vildu. Bornar voru á borð miklar kræsingar, enda um sannkallaða sælkeraveislu að ræða, og ekki annað að heyra en að gestir hafi verið yfir sig ánægðir með blótið.
Þeir réttir sem gestir nutu voru hrossatart með kryddjurtamajonesi og klettasalati, villikryddaðar hrossapylsur með sólberja og rauðlaukssósu og reykt folaldatunga sem bráðnaði í munni að sögn gesta. Aðalréttur var hrossa- og folaldalund borin fram sósu úr Gæðingi Stout - hinum eina sanna skagfirska bjór. Í eftirrétt þáðu gestir dýrindis tvílita súkkulaðimús.
Andlegt fóður var heldur ekki af verri endanum þar sem Helga Rós Indriðadóttir söng alþekkt hestalög við undirleik Thomasar Higgersonar og Björn Björnsson sagði sögur af hestamönnum og öðru góðu fólki. Veislustjóri var Ólafur Sigurgeirsson sem er landsmönnum m.a. vel kunnur sem þaulsetnasti Útsvarsþátttakandi Skagfirðinga.
Fram kemur á heimasíðu Hótel Varmahlíðar að fólk getur strax látið sig hlakka til næsta Hrossablóts sem haldið verður þann 20. október 2012.
Útsendari Feykis var á vappi á Hótel Varmahlíð á meðan á blótinu stóð og náði nokkrum myndum úr sal og úr eldhúsi þar sem hótelstýran Svanhildur Pálsdóttir samstarfsfólk hennar fór á miklum kostum.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
