Þúfur er síðasta liðið sem kynnt er til leiks í Meistaradeild KS
Nú er loksins komið að keppnisdegi í Meistaradeild KS í hestaíþróttum en keppt verður í fjórgangi í reiðhöllinni Svaðastöðum í kvöld. Til leiks er kynnt áttunda og síðasta liðið í ár en það stóð uppi sem sigurlið síðasta árs, Þúfur.
Í fylkingarbrjósti fer hestahvíslarinn Mette Moe Mannseth, yfirreiðkennari við Háskólann á Hólum og sigurvegari deildarinnar síðasta keppnistímabils. Með henni í liði er eiginmaðurinn Gísli Gíslason, hrossaræktandi og þjálfari á Þúfum, Lea Busch, útskrifaður reiðkennari frá Háskólanum á Hólum og þjálfari á Þúfum, Barbara Wenzl, reiðkennari frá Háskólanum á Hólum og þjálfari í Bæ á Höfðaströnd og Bergrún Ingólfsdóttir, reiðkennari frá Háskólanum á Hólum og stundakennari þar og tamningamaður á Blönduósi.
Keppni hefst kl. 19:00 en húsið opnar 18:00 en viðburðurinn verður einnig sýndur beint á Tindastóll TV.
Samkvæmt upplýsingum á Facebooksíðu deildarinnar er takmarkaður fjöldi miða í boði og grímuskylda er á staðnum!
Hægt er að panta miða milli 17-22 þriðjudaginn 2/3 og 9-11 miðvikudaginn 3/3 með því að:
- Senda skilaboð á facebook síðu Meistaradeild KS
- Senda tölvupóst á sigurlinaem@gmail.com
- Eða hringja í síma 662-6822 (Sigurlína Erla)
Við skráningu þarf að koma fram hversu marga miða er verið að panta, nafn, kennitölu og símanúmer á öllum aðilum. Frítt er fyrir börn 12 ára og yngri & þarf ekki að taka þessar upplýsingar fram fyrir þau. Miðinn kostar 2.000kr og millifæra skal inn á Flugu kt. 631000-3040 / banki: 0161 – 26 – 145. Senda þarf kvittun á sigurlinaem@gmail.com.
ATH! Mikilvægt er að halda fjarlægðarmörkum milli óskyldra aðila & fólki verður vísað í merkt sæti við innkomu! Engar veitingar verða á staðnum.
Ráslisti fyrir fjórgang í Meistaradeild KS 2021:
- Vera Schneiderchen og Sátt frá Kúskerpi – Equinics
- Þórdís Inga Pálsdóttir og Blængur frá Hofsstaðaseli – Hrímnir
- Guðmar Freyr Magnússon og Sigursteinn frá Íbishóli – Íbishóll
- Haukur Bjarnason og Ísar frá Skáney – Uppsteypa
- Þorsteinn Björn Einarsson og Fannar frá Hafsteinsstöðum – Hofstorfan
- Gísli Gíslason og Dreyri frá Kálfsstöðum – Þúfur
- Jóhann B. Magnússon og Garri frá Bessastöðum – Leiknir
- Bjarni Jónasson og Harpa Sjöfn frá Hvolsvelli – Storm Rider
- Sigrún Rós Helgadóttir og Hagur frá Hofi á Höfðaströnd – Hofstorfan
- Ásdís Ósk Elvarsdóttir og Flóvent frá Breiðsstöðum – Storm Rider
- Sunna Sigríður Guðmundsdóttir og Krafla frá Hamarsey – Equinics
- Ísólfur Líndal Þórisson og Kormákur frá Kvistum – Uppsteypa
- Líney María Hjálmarsdóttir og Snælda frá Húsavík – Hrímnir
- Magnús Bragi Magnússon og Óskadís frá Steinnesi – Íbishóll
- Barbara Wenzl og Mætta frá Bæ – Þúfur
- Guðmar Þór Pétursson og Ástarpungur frá Staðarhúsum - Leiknir
- Valdís Björk Guðmundsdóttir og Páfi frá Kjarri – Equinics
- Þórarinn Eymundsson og Hnjúkur frá Saurbæ – Hrímnir
- Randi Holaker og Þytur frá Skáney – Uppsteypa
- Elvar Einarsson og Muni frá Syðra-Skörðugili – Storm Rider
- Mette Mannseth og Skálmöld frá Þúfum – Þúfur
- Agnar Þór Magnússon og Þjóstur frá Hesti – Leiknir
- Lilja S. Pálmadóttir og Mói frá Hjaltastöðum – Hofstorfan
- Védís Huld Sigurðardóttir og Hrafnfaxi frá Skeggsstöðum – Íbishóll
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.