Til minningar um brosmilda og yndislega stúlku
Blóma- og gjafabúðin á Sauðárkróki veitti Trölla, unglingadeild Skagfirðingasveitar, veglega peningagjöf síðastliðinn föstudag í Sveinsbúð, húsakynnum björgunarsveitarinnar. Gjöfin var veitt í minningu eins félaga í Trölla, Önnu Jónu Sigurbjörnsdóttur, sem lést í bílslysi þann 12. janúar síðastliðinn.
Við afhendinguna sagði Brynhildur Sigtryggsdóttir, eigandi Blóma- og gjafabúðarinnar, að hún hafi orðið vör við mikinn samhug frá fólkinu í bænum vegna fráfalls Önnu Jónu en fjöldi fólks lagði leið sína í verslun hennar til að kaupa blóm og minningarkort.
Þegar Brynhildur, betur þekkt sem Binný, og Ómar eiginmaður hennar fengu þá hugmynd að gefa minningargjöf í nafni Önnu Jónu kom unglingadeild Skagfirðingasveitar þeim til hugar, en gjöfin hljóðar upp á 170 þúsund krónur. Þökk sé þeim trausta viðskiptahóp sem Blóma- og gjafabúðin hefur var hægt að færa unglingadeildinni þessa minningargjöf en að sögn Binnýar hefði hún ekki getað orðið að veruleika án hans.
Fyrir hönd unglingadeildarinnar tóku Hólmfríður Sylvía, Elísabet Ýrr og Elvar Bjarki við gjöfinni. „Það er ekki algengt að unglingadeildum séu gefnar svona höfðinglegar gjafir,“ sagði Elvar Bjarki við tilefnið. Ætlunin er að koma henni til góðra nota, fjárfesta í einhverju sem mun nýtast deildinni og vera um leið til minningar um félaga þeirra. Með peningagjöfinni fylgdi skjöldur með mynd af Önnu Jónu og á hann var m.a. áletrað: „Minning um brosmilda og yndislega stúlku lifir í hjörtum okkar allra um ókomin ár.“
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
