Tindastólsmenn enn án sigurs
Meistaraflokkur karla hjá Tindastóli mætti liði KV á KR-vellinum í dag. Tindastólsmenn mættu af krafti í leikinn og uppskáru vítaspyrnu í fyrri hálfleik sem Mark Magee brenndi af en dómarinn dæmdi að spyrnan ætti að vera tekin aftur því varnarmenn KV hlupu of snemma inn í teiginn.
Mark Magee tók spyrnuna aftur og klúðraði í annað sinn. KV komust síðan yfir á 41. mínútu en Fannar Örn Kolbeinsson jafnaði metin með skalla eftir hornspyrnu tveimur mínútum síðar. Það virtist sem liðin færu jöfn inn í hálfleikinn en KV fékk svo aukaspyrnu sem Garðar Ingi Leifsson skoraði úr.
Tindastólsmenn héldu áfram baráttu í seinni hálfleik og uppskáru jöfnunarmark seint í leiknum þegar Fannar Freyr Gíslason hamraði boltann í þaknetið af stuttu færi. Liðin börðust mikið síðustu mínúturnar og leikurinn virtist ætla að enda í jafntefli en boltinn barst síðan inn í teig Tindastólsmanna þar sem Garðar Ingi Leifsson kom fyrstur að boltanum og tók við honum og kláraði örugglega í nærhornið á 94. mínútu. Tindastólsmenn tóku síðan miðju og það virtist vera síðasta spyrna leiksins. Svekkjandi úrslit fyrir Tindastól enda börðust menn allan tímann og greinilegt að menn séu ekki búnir að gefast upp þó illa hafi gengið hingað til.
Tindastóll er enn án sigurs í deildinni og sitja í neðsta sæti riðilsins með 3 stig eftir 13 leiki. KV er í 7. sæti með 17 stig eftir 13 leiki.
Næsti leikur hjá Tindastól er miðvikudaginn 30. júlí, en þá taka strákarnir á móti Haukum á Sauðárkróksvelli og hefst leikurinn kl. 20:00. Fjölmennum á völlin og hvetjum strákana okkar! Áfram Tindastóll!
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
