Tindastólsmenn kjöldregnir í fyrri hálfleik í Keflavík
Tindastóll spilaði annan leik sinn í Iceland Express-deildinni þetta tímabilið í Keflavík í gærkvöldi. Ekki hafðist sigur og skipti þá kannski mestu máli að Keflvíkingar fengu beinan aðgang að körfu Stólanna í fyrsta leikhluta og kláruðu þá nánast leikinn. Í síðari hálfleik bitu okkar menn betur frá sér en það var ekki nóg og sigri Keflvíkinga í raun aldrei ógnað. Lokatölur 87-78.
Keflvikingar náðu yfirhöndinni strax í byrjun og voru yfir frá fyrstu til síðustu mínútu í leiknum. Varnarleikur Tindastóls var ekki til staðar í fyrsta leikhluta og gengu heimamenn á lagið og gerðu 36 stig gegn 19 stigum Tindastóls. Leikar jöfnuðust nokkuð í öðrum leikhluta en að fyrri hálfleik loknum var 23 stiga munur á liðunum og heldur á brattan að sækja fyrir gestina. Staðan 58-35.
Varnarleikur Tindastóls var til fyrirmyndar í síðari hálfleik en kannski hefur spilað inní að Keflvíkingar hafi leift sér að vera værukærir, enda með sterka stöðu. Stólarnir gerðu sitt besta til að hægja á leiknum en það líkar Keflvíkingum jafnan illa. Þriðji leikhluti vannst með 10 stiga mun og heimamenn gerðu aðeins 10 stig í leikhlutanum. Í fjórða leikhluta þurfti allt að falla með Stólunum til að þeir gætu velgt Keflvíkingum undir uggum, sérstaklega hefði verið efnilegt ef 3ja stiga skot hefðu ratað rétta leið en því miður var miðið ekki í lagi hjá Tindastólsmönnum, aðeins 4 þristar í 17 tilraunum rötuðu rétta leið og það er ekki nóg. Engu að síður höfðu Stólarnir betur í síðasta fjórðungi, 19-23, og 9 stiga tap því staðreynd.
Maurice Miller (19 stig), Trey Hampton (19 stig/11 fráköst) og Svavar Birgisson (17 stig/8 fráköst) voru atkvæðamestir í liði Tindastóls. Næsti leikur er gegn Fjölni hér heima nú á fimmtudaginn og þá væri gott að næla í 2 stig.
Nánar má lesa um leikinn á Tindastóll.is >
Hér að neðan má sjá nokkrar myndir frá leik Tindastóls og Stjörnunnar sem fram fór sl. föstudag.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
