Tindastólsmenn komnir í toppbaráttuna í 1. deild
Tindastóll og Þróttur Reykjavík áttust við í 1. deild karla í fótbolta á Sauðárkróksvelli í kvöld og leikurinn mikilvægur báðum liðum. Með sigri gátu Stólarnir lyft sér örlítið upp fyrir liðin í fallbaráttunni og í raun í toppbaráttu deildarinnar. Sú varð raunin, Tindastólsmenn sýndu góðan leik og sigruðu örugglega 3-0 og eru nú aðeins fimm stigum frá toppliðunum tveimur en engu að síður í áttunda sæti að 14 umferðum loknum.
Lið Tindastóls lék undan norðanvindi í fyrri hálfleik en jafnræði var með liðunum fyrsta hálftímann en gestirnir fengu þó álitlegri færi án þess að ná að trufla verulega Sigurð Hrannar Björnsson markmann sem stóð vaktina í fjarveru Seb Furness. Í vörn Stólanna vantaði Björn Anton sem fékk að skoða rauða spjaldið í sigurleik gegn Völsungum um síðustu helgi. Stólarnir höfðu yfirhöndina síðasta stundarfjórðung fyrri hálfleiks en þrátt fyrir ágæta pressu höfðu þeir ekki erindi sem erfiði. Staðan 0-0 í hálfleik og nú lægði vindinn.
Tindastólsmenn spiluðu frábærlega í síðari hálfleik og tóku forystuna á 50. mínútu með glæsimarki Rodrigo Morin en kappinn lagði boltann efst í hægra hornið með þrumuskoti af um 25 metra færi. Stólarnir spiluðu boltanum vel og Þróttarar áttu ekki breik - Sigurður Hrannar í marki Tindastóls hefði allt eins getað mætt í sparifötunum til leiks í síðari hálfleik. Á 63. mínútu bætti Jordan A. Bronco við öðru marki og enn var um þrumuskot utan teigs að ræða, aftur ofarlega í hægra hornið. Mótlætið fór í taugar gestanna sem voru jafnan skrefinu á eftir heimamönnum og leiðinda brot litu dagsins ljós. Arnþór Ari Atlason nældi í tvö gul á 12 mínútna kafla og eðlilega sendur í sturtu eftir það seinna. Eftir þetta voru yfirburðir Stólanna algjörir. Þriðja markið kom á 82. mínútu eftir að heimamenn rústuðu vörn Þróttara með glæsilegu spili og Chris Tsonis lagði boltann í markið af stuttu færi. Þrátt fyrir nokkra ágæta möguleika tókst Tindastólsmönnum ekki að bæta við mörkum og lokatölur því 3-0.
Leikmenn Tindastóls stóðu fyrir sínu í kvöld en Atli og Morin voru flottir á miðjunni. Þá var Tsonis sterkur frammi og Bronco sýndi fína takta en fór meiddur af velli skömmu eftir að hanna skoraði. Þá voru Eddi, Loftur, Ingvi Hrannar og Fannar öruggir í vörninni.
Að 14 umferðum liðnum eru Stólarnir með 20 stig og í áttunda sæti. Lið Selfoss er með 17 stig, KF og Þróttur með 14 og lið Völsungs með 2 stig. Næstu tveir leikir Tindastóls eru á heimavelli, fyrst gegn Grindavík 8. ágúst og síðan gegn Selfyssingum 16. ágúst.
Fleiri fréttir
-
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Húni.is segir frá því að á föstudaginn 20 júní verður haldið skákmótið Húnabyggð open sem er í tengslum við skákhátíðna sem stendur yfir á Blönduósi og lýkur 21 júni. Enn er hægt að skrá sig til leiks. Húnabyggð Open 2025 er opið mót sem haldið ve...Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira
