Tíundi tapleikur Tindastóls í röð
Tindastóll tók á móti liði Víkings Ólafsvík á laugardaginn í 18. umferð 1. deildar karla í knattspyrnu. Ekki hefur margt fallið með Stólunum í sumar og það varð engin breyting á því að þessu sinni því gestirnir fóru heim með stigin þrjú eftir 0-3 sigur sem var næsta auðveldur.
Að þessu sinni var dómarinn varla búinn að flauta leikinn á þegar Víkingar skoruðu en þar var á ferðinni Joseph Spivack. Gestirnir réðu lögum og lofum framan af í leiknum með Eyþór Birgisson í miklu stuði á hægri kantinum en kappinn er eldsnöggur, sterkur og útsjónarsamur. Hann kom boltanum fyrir markið á 10. mínútu á Brynjar Kristmundsson sem skallaði af öryggi í markið. Næstu mínútur á eftir ógnuðu Víkingar stöðugt en þegar á leið hálfleikinn náðu Stólarnir að komast betur inn í leikinn og var Fannar Gísla óheppinn að minnka ekki muninn þegar hann skallaði boltann yfir markvörð gestanna, en einnig naumlega framhjá, í dauðafæri.
Það var fátt um fína drætti í síðari hálfleik. Gestirnir með sigurinn í hendi sér og svo virtist sem Tindastólsmenn hefðu helst í hyggju að verja markið sitt betur en í fyrri hálfleik. Það gerðu þeir reyndar ágætlega en á móti kom að sóknarleikurinn var í algjöru lágmarki og leikurinn í heild lokaðri. Benni átti ágætar rispur fram völlinn en þær enduðu flestar í fangi eða fótum andstæðinganna. Stólarnir náðu reyndar að skora á 77. mínútu en settu boltann í eigið mark eftir snarpa sókn Víkinga. Lokatölur 0-3 og tíundi tapleikur Tindastóls í röð staðreynd.
Lánleysi Stólanna virðist algjört þessa dagana og að þessu sinni var leikurinn nánast tapaður eftir 10 mínútna leik og hlýtur það að vera alveg ömurlegt fyrir leikmenn liðsins að lenda sí og æ í þeirri stöðu. Enn eru menn að meiðast og gengur hægt að fá leikmenn úr meiðslum. Á laugardag voru Fannar Kolbeins og Ben Griffiths ekki með og of mikið mál er að telja upp alla þá sem höfðu meiðst í sumar og hafa enn ekki komist á ferðina. Árni Einar átti fínan leik á miðjunni hjá Stólunum og þó að hraðinn sé ekki sá sami og áður þá hélt hann boltanum vel og dreifði spilinu með einfaldari sendingum en oft áður.
Næsti leikur Tindastóls er gegn Þrótti Reykjavík á Valbjarnarvelli og verður hann spilaður laugardaginn 30. ágúst og hefst kl. 13:00.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
