Tölthorninu hampað í sjötta sinn
Eins og sagt var frá á vefnum um helgina áttu Skagfirðingurinn Jóhann Skúlason og Hnokki frá Fellskoti einstaka töltsýningu í forkeppni á heimsleikum íslenska hestsins í Berlín. Fæstir hafa því líklega búist við að sýningin yrði toppuð í úrslitakeppninni en sú var þó raunin og vann Jóhann hinn eftirsótta verðlaunagrip tölthornið í sjötta sinn á átta árum, sem er einstakur árangur.
Jóhann og Hnokki hlutu einkunnina 9,61 og þar af voru fjórar tíur fyrir yfirferðar tölt. Miklu lofsorði var lokið á árangur Jóhanns og í Morgunblaðinu í dag er m.a. haft eftir fyrrverandi liðsstjóra íslenska landsliðsins, Einari Öder Magnússyni, að sýning Jóhanns í úrslitunum sé sönn list, reiðlist.Segir hann styrkleika Jóhanns felast í því að hann hafai alla hluti í lagi og hvergi sé veikan hlekk að finna í undirbúningi og sýningu.
Sjálfur segist Jóhann í samtali við Morgunblaðið hafa mikið keppnisskap og setja mikla pressu á sjálfan sig og reyna að gíra sig upp í keppni. Hann segist jafnframt eiga Einari Öder mikið að þakka og hafa notið góðrar handleiðslu frá honum þegar hann keppti á sínu fyrsta heimsmeistaramóti árið 1999.
Haft er eftir Jóhanni að Hnokki fari ekki á fleiri heimsmeistaramót og er hann nú farinn að svipast um eftir nýjum töltara til keppni.
Í heildina kom íslenska iiðið heim með gullverðlaun þriggja heimsmeistara í hestaíþróttum og tvö gull í flokki ungmenna. Ísland hlaut auk þess liðabikarinn fyrir besta árangur landsliðs.
Fleiri fréttir
-
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira
