Uppbótartíminn reynist Stólunum enn dýrmætur
Tindastólsmenn gerðu sér lítið fyrir og kræktu í stig í kvöld í leik gegn toppliði Fjölnis í 1. deild karla í knattspyrnu. Útlitið var ekki bjart því í hálfleik voru heimamenn 2-0 yfir en tvö mörk undir lok leiks tryggðu Stólunum 2-2 jafntefli.
Fjölnismenn voru sterkari framan af leik en Tindastólsmenn fengu dauðafæri á 20. mínútu þegar Morin komst inn fyrir vörn heimamanna, markvörðurinn varði frá honum en boltinn barst til Tsonis sem var í enn betra færi en á ævintýralegan hátt náði Haukur Lárusson að bjarga á línu. Strax í kjölfarið fékk Fjölnir gott færi en Furness varði boltann í horn. Upp úr horninu skoraði Haukur fyrsta mark leiksins og aðeins mínútu síðar gerði Ragnar Leósson annað mark Fjölnis og staða heimamanna vænleg í leikhléi.
Stólarnir voru sprækari í upphafi síðari hálfleiks. Á 75. mínútu vildu Tindastólsmenn fá víti þegar brotið var á Fannari Erni en dómarinn hafði ekki list á að dæma víti. Það er svo loks á 87. mínútu sem Stólarnir minnka muninn með marki frá Tsonis sem tók við langri sendingu, hélt varnarmanni Fjölnis frá sér og skoraði af öryggi. Á 90. mínútu var mark dæmt af Tindastóli eftir að Morin fylgdi eftir góðum skalla Tsonis sem markvörður Fjölnis hafði varið snilldarlega. Rétt eins og í leiknum á undan pressuðu Stólarnir allt hvað af tók síðustu mínúturnar og þegar liðið fékk aukaspyrnu í blálokin var Furness mættur í teig heimamanna. Upp úr aukaspyrnunni var dæmd hendi á Illuga Þór Gunnarsson og hann sendur í sturtu. Afmæliskappinn Steven Beattie framkvæmdi vítaspyrnuna og jafnaði metin. Strákarnir fögnuðu vel mikilvægu stigi á erfiðum útivelli en það var miður að Morin lenti í stappi við markmann Fjölnis í kjölfarið á vítinu og voru báðir reknir af velli. Lokatölur 2-2.
Á laugardaginn kemur lið Knattspynufélags Fjallabyggðar í heimsókn á Krókinn og hefst leikurinn kl. 14:00. Allir á völlinn!
Fleiri fréttir
-
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira
