Úthlutun úr Menningarsjóði KS fór fram í gær
Í gær fór fram í húsakynnum Kjarnans á Sauðárkróki úthlutun úr Menningarsjóði KS að viðstöddum fulltrúum þeirra verkefna sem hlutu styrki hans að þessu sinni. Alls fengu þrettán verkefni fjárupphæðir sem ekki voru tilgreindar nánar fyrir utan barnastarf kirkjunnar í Skagafirði.
Sauðárkróksprestakall, Glaumbæjar-Reynistaðar-og Víðimýrasóknir, Miklabæjar-og Mælifellssóknir, Hofsós – og Hólasóknir fengu sérstakan styrk upp á tvær milljónir króna sem renna á til barna og æskulýðsstarfs í Skagafirði. Dalla Þórðardóttir prófastur tók við styrknum en hún mun halda utan um verkefnið.
Þá var nýr afreksbikar kynntur til sögunnar og afhentur í fyrsta sinn en hann verður í framtíðinni veittur sem viðurkenning fyrir starf á sviði æskulýðs- og íþróttamála á Skagafirði. Þetta verkefni var sett í gang í haust til þess að minnast Stefáns Guðmundssonar fv. stjórnarformanns KS og konu hans Hrafnhildar Stefánsdóttur og verður það í höndum barna þeirra að ákveða hver hlýtur bikarinn hverju sinni. Það var ungur Sauðkrækingur sem varð fyrir valinu að þessu sinni Atli Arnarson sem getið hefur sér góðs orðspors á knattspyrnuvellinum þrátt fyrir ungan aldur.
Aðrir sem hlutu styrki voru:
01. Rökkurkórinn - Fjárstuðningur vegna starfsemi kórsins.
02. Karlakórinn Heimir - Fjárstuðningur vegna starfsemi kórsins.
03. Kirkjukór Sauðárkrókskirkju - Fjárstuðningur vegna starfsemi kórsins.
04. Sönghópur félags eldri borgara í Skagafirði - Fjárstuðningur vegna starfsemi kórsins.
05. Jón Ormar Ormsson - Styrkur vegna menningarmála.
06. Sólon, áhugahópur um myndlist í Skagafirði - Fjárstuðningur til styrktar starfsemi hópsins.
07. Skotta kvikmyndafjelag - Fjárstuðningur vegna upptöku á myndinni Óskasteinn- Með vonina að vopni.
08. Samgönguminjasafn Skagafjarðar - Fjárstuðningur vegna uppbyggingar á safninu
09. Ungmennasamband Skagafjarðar - Fjárstuðningur vegna rekstur félagsins.
10. Skotfélagið Ósmann - Fjárstuðningur vegna kynningar á bogfimi og búnaði henni tengdri.
11. Alþýðulist – félag handverkafólks í Skagafirði - Fjárstuðningur vegna starfsemi félagsins.
12. Félag harmóníkuunnenda í Skagafirði - Fjárstuðningur vegna uppsetningar á framhaldssýningunni við sýningarnar „ Manstu gamla daga“
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
