Varað við bikblæðingum á þjóðvegi 1
Sólin skín og það er hlýtt og notalegt á landinu. Flestir gleðjast yfir þessu og hafa verið glaðir í talsverðan tíma en það er ekki víst að ökumenn sú kátir. Lögreglan á Norðurlandi vestra vekur athygli á umtalsverðum bikblæðingum víðsvegar um umdæmið, sér í lagi í nágrenni Víðigerðis og Hvammstanga.
Ökumenn eru beðnir um að gæta sérstakrar varúðar af þessum sökum.
Það má reikna með talsverðri umferð í umdæminu þar sem margur maðurinn hyggst mæta á körfuboltaleik á Króknum í kvöld. Spurning hvort bifreiðar Garðbæinga og Tindastólsfólks á höfuðborgarsvæðinu taki hluta af þjóðvegi 1 með sér heim?
Bikblæðingarnar einskorðast ekki við Norðurland vestra því einnig er varað við bikblæðingum á Öxnadalsheiði, á Holtavörðuheiði og víða í Borgarfirði svo eitthvað sé nefnt. Það vill reyndar þannig til að Skagafjörður er bikblæðingalaust svæði sem stendur.
Munum að fara gætilega og það er vissara að hægja hraðann þegar ekið er þar sem blkblæðingar eru.
Fleiri fréttir
-
Stjarnan Íslandsmeistari í Síkinu – til hamingju Garðbæingar
feykir.is Skagafjörður, Íþróttir, Lokað efni 21.05.2025 kl. 22.12Það var háspenna lífshætta í Síkinu í kvöld þegar Tindastóll og Stjarnan mættust í oddaleik í úrslitaeinvígi Bónus deildarinnar. Íslandsmeistaratitlinn var í húfi. Stólarnir voru sprækari framan af leik en botninn datt úr leik liðsins í fjórða leikhluta þar sem liðið gerði aðeins átta stig. Það reyndist of lítið til að halda aftur af Garðbæingum sem náðu yfirhöndinni á lokamínútum leiksins. Stólarnir lögðu allt í sölurnar og voru nálægt því að jafna en spennustigið var of hátt og okkar menn urðu að sætta sig við sárt tap. Lokatölur 77-82.Meira -
Búvörulögin samkvæmt lögum að mati Hæstaréttar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.05.2025 kl. 18.13Mbl.is segir frá því að Hæstiréttur sýknaði í dag íslenska ríkið af kröfum Innnes og sneri þannig dómi Héraðsdóms Reykjavíkur við í máli sem kennt hefur verið við búvörulögin. Samkvæmt samþykktu frumvarpi til búvörulaga í mars 2024 voru kjötafurðastöðvar undanþegnar samkeppnislögum. Var lögunum breytt þar sem meirihluti þingmanna taldi einsýnt að nauðsynlegt væri að afurðastöðvum yrði gert kleift að ráðast í hagræðingu.Meira -
Íslandsmeistaratitillinn er undir í kvöld
feykir.is Skagafjörður, Íþróttir, Mannlíf 21.05.2025 kl. 13.45Var einhver búinn að gleyma leiknum í kvöld? Nei, líklega ekki. Það er sól og nánast logn á Króknum enda vilja allir taka þátt í þessari veislu. Að sjálfsögðu er löngu uppselt á leikinn en þeir miðar sem í boði voru fóru í sölu kl. 19 í gærkvöldi í íþróttahúsinu og var farið að móta fyrir röð fjórum tímum fyrir opnun. Planið verður opnað þremur tímum fyrir leik eða kl. 17:00 og þar ætti engum að leiðast.Meira -
Áfram Tindastóll !!
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.05.2025 kl. 11.36„Krókurinn er fárveikur þegar kemur að körfubolta og við viljum ekki hafa það neitt öðruvísi,“ sagði Benedikt Guðmundsson þjálfari Tindastóls eftir síðasta heimaleik í viðtali við karfan.is. Heimaleikjarétturinn gefur okkur oddaleikinn í Síkinu í kvöld og nú er það stóra spurningin hvort verður það Tindastóll eða Stjarnan sem verður Íslandsmeistari í meistaraflokki karla í körfubolta þetta árið.Meira
