Varaþingmaður Samfylkingar gengur úr flokknum
Dv.is segir frá því að Þórður Már Jónsson, annar varaþingmaður Samfylkingarinnar í NV-kjördæmi , hefur sagt sig úr flokknum. Ástæðan er óánægja hans með að samningaleiðin skuli fari í fiskveiðistjórnunarkerfinu.
MMR birti í dag nýja könnun þar sem 71 prósent svarenda eru hlynntir því að stjórnvöld afturkalli fiskveiðiheimildir og úthluti þeim aftur með breyttum reglum. Á bloggsíðu sinni segir Þórður Már að augljóst sér að þetta sé vilji þjóðarinnar. 93 prósent stuðningsmanna ríkisstjórnarinnar vilja sömuleiðis að fiskveiðiheimildir verði innkallaðar samkvæmt könnuninni.
„En hvaða leið leggja þessir flokkar á borð fyrir kjósendur sína? Jú, þeir leggja hina svokölluðu "samningaleið" fyrir fólkið sem lausn sem þeir reyna að ljúga í fólk að komi til með að sætta deilur um kerfið, uppfylla álit mannréttindanefndar SÞ og að tryggja þjóðinni sanngjarnt afgjald fyrir notkun auðlindarinnar. Það ætti að vera óþarfi að fara yfir þetta hér, en í stuttu máli þá er með þeirri leið verið að tryggja núverandi kvótahöfum afnotarétt til áratuga með samningum! Það stendur til að festa núverandi kvótakerfi endanlega í sessi, og það í boði vinstri stjórnar sem lofaði því að stokka það upp!!!!“ skrifar Þórður Már í bloggfærslunni þar sem hann segir sig úr flokknum.
Hann kveðst hafa gengið í Samfylkinguna fyrir síðustu kosningar vegna þeirrar sannfæringar sinnar að þar væri mestur möguleiki á að koma í gegn breytingum á kerfinu enda kosningaloforð beggja flokka að innkalla aflaheimildir.
„En eftir ótrúlega atburðarás sem byrjaði á því að nefnd var skipuð þar sem hagsmunaaðilum var gefinn laus taumurinn til þess að ákveða hvort innköllunin yrði framkvæmd eða ekki var niðurstaðan nýlega kunngerð: Samningaleið, svikaleið þar sem forræði Íslendinga yfir auðlindinni skyldi endanlega afhent útgerðum. LÍÚ fékk að ákveða hvort loforð ríkisstjórnarsáttmálans skyld efnt, dómurinn var einfaldur; LÍÚ vill hinn endanlega frið fyrir ágangi almennings sem í einfeldni sinni hélt að auðlindin væri sameiginleg auðlind allra Íslendinga. LÍÚ og skósveinasveit þeirra hefur talað. Vald þeirra er ofar loforðum flokkanna til kjósenda sinna. Vald LÍÚ er ofar þjóðarvilja.“
„Ég er varaþingmaður Samfylkingarinnar og það í kjördæmi Guðbjartar Hannessonar sem leiddi svikanefndina og skrifaði upp á þjóðsvikaleiðina, þ.e. samningaleiðina. Leið sem Guðbjartur reynir því miður að halda fram að uppfylli þær kröfur sem bæði yfirgnæfandi hluti Íslendinga gerir, sem og þær kröfur sem við höfum fyrir langt löngu gert á okkur sjálf með stjórnarskrá okkar og með þeim alþjóðlegu mannréttindasáttmálum sem við höfum gengist undir. Mér liggur við að segja að menn hljóti að vera brjálaðir að halda að það sé hægt að selja almenningi þá hugmynd að samningaleiðin sé til þess fallin að uppfylla nauðsynlegar kröfur um mannréttindi og jafnræði, sem og þær kröfur sem almenningur í þessu landi gerir. Það stríðir mjög alvarlega gegn sannfæringu minni, eftir þessi ótrúlegu svik, að halda áfram á þessari braut. Það stríðir gegn sannfæringu minni að bakka upp fólk sem er reiðubúið til þess að svíkja málstað sinn jafn miskunnarlaust og forysta Samfylkingarinnar hefur gert í þessu máli. Því sé ég mér ekki annað fært en að segja mig hér með úr flokknum og þar með frá varaþingmannsstöðu minni.“
Sigurður Mikael Jónsson (mikael@dv.is)
Fréttin er tekin af heimasíðu DV
Fleiri fréttir
-
Vegið ómaklega að lögreglunni | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 05.05.2025 kl. 09.16Fullyrðingar Kristins Hrafnssonar hjá Wikileaks um að auðmenn ráði öllu sem þeir vilji á Íslandi og að lögreglan hér á landi þjóni þeim standast enga skoðun. Nægir í því sambandi að benda á þann fjölda auðmanna sem rannsakaðir hafa verið af lögreglunni, sóttir til saka og sakfelldir frá bankahruninu haustið 2008. Enn eru slík mál í gangi í dómskerfinu meira en 16 árum síðar og verið árum saman. Vægast sagt ómaklega er vegið að lögreglunni í þessum efnum.Meira -
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum. Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.