Vel heppnað Herrakvöld
Körfuknattleiksdeild Tindastóls stóð fyrir herrakvöldi síðasta laugardagskvöld á Kaffi Krók og tókst með ágætum. Vel á fyrsta hundrað manns mætti prúðbúið og hresst og gæddi sér á góðum mat og hlýddi á gamanmál. Var Stefán Jónsson formaður deildarinnar ánægður með afrakstur kvöldsins án þess þó að vilja upplýsa hve mikið safnaðist af aurum.
Júlíus Jóhannsson kenndi unga fólkinu hvernig ætti að framkvæma ýmis strákapör eins og gert var á Króknum í gamla daga. Hér er hann lengst til hægri ásamt hljómsveit hússins.
Veislustjóri var fenginn úr borginni og fór hann á kostum með gamansögum frá æskuárum sínum á Króknum en óhætt er að segja að Júlíus Jóhannsson hafi verið uppátækjasamur drengur.
300 happdrættismiðar voru gefnir út og seldust þeir allir enda vinningar af ýmsum gerðum og margir hverjir stórglæsilegir. Aðalvinningurinn var reiðhjól sem kom í hlut hins reynslumikla körfuboltaleikmanns Svavars Birgissonar. Þá var heljarmikið uppboð haldið þar sem hart var barist um hluti, svo hart að einn bauð á móti sjálfum sér og hækkaði boðið um 5000 krónur.
Tríó Pilla Prakkó flutti tvær ódauðlegar perlur Meistara Megasar en hér sést Geir Eyjólfsson munda hið fágæta hljóðfæri rokkfork.
Tríó Pilla Prakkó sté á stokk og að þessu sinni var það alfarið skipað Molduxum sem komu vel undirbúnir til leiks. Vakti hljóðfæraskipan sumra athygli enda óhefðbundin hljóðfari notuð í einhverjum tilfellum s.s. eins og járnbindi, rokkforkur og blekkingarbassi.
Til skemmtunar voru einnig þeir Gunni Óla og Hebbi, sem þekktir eru fyrir Skítamóral. Stóðu þeir vaktina ásamt Sigga Dodda fram undir morgun.
Svavar Birgisson hlaut aðalhappdrættisvinning kvöldsins. "Reiðhjól fyrir frúna," eins og hann sagði sjálfur.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
