Við vinnum okkur út úr vandanum.
Þegar stórt er spurt verður oft fátt um svör. Nú þegar þjóðin kallar eftir lausnum og framtíðarsýn svara vinstriflokkarnir í ríkisstjórn ýmist út og suður eða með þögninni einni saman. Vinstri lausnin á vanda heimilanna er að hækka skatta og lækka laun opinberra starfsmanna. Vinstri lausnin í atvinnumálum er að hafna uppbyggingu orkufreks iðnaðar, svo sem í Helguvík og á Bakka. Sömuleiðis á að sleppa því að leita að olíu á landgrunni Íslands, ef marka má umhverfisráðherra Vinstri grænna, og láta atvinnutækifærin sem felast í hvalveiðum lönd og leið að mati fjármála- og sjávarútvegsráðherrans, Steingríms J. Atvinnutækifærin blasa við en vinstrimenn ætla EKKI að nýta þau.
Við skattleggjum okkur ekki út úr vandanum.
Sjálfstæðisflokkurinn er á allt annarri línu. Við teljum að við þessar erfiðu aðstæður í efnahagslífinu sé aðeins ein leið út úr vandanum: Vinna, vinna, vinna. Við eigum að hvetja fólk til að vinna sem mest – ekki refsa fyrir vinnugleði með því að leggja á hærri skatta, enda sýnir sagan að við skattleggjum okkur ekki út úr efnahagsvanda. Við eigum að nýta öll tækifæri til atvinnusköpunar – líka þau sem kalla á skynsamlega nýtingu orkuauðlinda. Við eigum að virkja, við eigum að veiða hval og við eigum að leita að olíu.
Samhengi hlutanna.
Sjálfstæðismenn skilja þetta samhengi hlutanna. Án kröftugra fyrirtækja sem skapa fjölbreytt störf verður ekki hægt að viðhalda velferðarkerfinu okkar, sem löngum hefur þótt til fyrirmyndar á alþjóðavettvangi. Kröftugt atvinnulíf mun aldrei geta átt rætur að rekja í ríkisreknum fyrirtækjum sem miðstýrt er frá skrifborði einstakra ráðherra líkt og virðist ætla að verða raunin hjá vinstriöflunum. Grunnurinn að sjálfstæðisstefnunni er frelsi einstaklingsins til athafna og það hefur aldrei átt betur við en nú. Hugmyndafræði vinstriflokkanna svarar ekki kalli þjóðarinnar um lausnir – það gerir hinsvegar hugmyndafræði Sjálfstæðisflokksins.
Gleðilegt sumar.
Birna Lárusdóttir, skipar 4. sæti á lista Sjálfstæðisflokksins í NV-kjördæmi.
Fleiri fréttir
-
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira -
Opið fyrir umsóknir í Slipptöku Driftar EA 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 12.16Drift EA er að fara af stað með mjög spennandi nýsköpunarprógramm fyrir frumkvöðla og teymi með þróaðar hugmyndir. Um er að ræða fjórar vinnustofur sem endar á kynningu – og getur opnað leið fyrir þátttakendur inn í Hlunninn, ársprógramm með fjármagni, ráðgjöf og stuðningi. Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn.Meira -
Afmælishátíð Hollvinasamtaka HSB
feykir.is Austur-Húnavatnssýsla, Lokað efni 25.04.2025 kl. 09.45Þann 19. apríl voru 20 ár frá stofnun Hollvinasamtaka HSB. Að því tilefni verður efnt til afmælishátíðar í húsakynnum HSN á Blönduósi, næstkomandi sunnudag 27. apríl kl. 13:00-16:00.Meira -
Ægir Björn keppir á WodlandFest
feykir.is Skagafjörður, Íþróttir 25.04.2025 kl. 09.30Í morgun byrjaði hin fræga WodlandFest í Malaga á Spáni en þetta er einn af stærstu CrossFit viðburðum ársins í greininni og stendur yfir í þrjá daga. Þarna keppist besta CrossFit íþróttafólk í heimi um sæti á verðlaunapallinum og þeir sem enda í tveimur efstu sætunum fá keppnisrétt á Crossfit heimsleikana. Þessi viðburður sameinar því keppni, samfélag og adrenalín í umhverfi sem er hannað til að hvetja til mikilleika í CrossFit heiminum.Meira -
Styrktarhlaup Einstakra barna þann 1. maí á Króknum
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 08.33Það er að skapast sú fallega hefð að halda styrktarhlaup þann 1. maí á Sauðárkróki fyrir Einstök börn. Allt skipulag í kringum hlaupið er í höndum hlaupahópsins 550 Rammvilltar en fyrst hlaupið var haldið árið 2023. Þetta er því í þriðja skiptið sem þær stöllur setja þennan viðburð á og hefur þátttaka farið fram úr björtustu vonum. Rúmlega 200 manns hlupu, gengu eða hjóluðu sér til gamans í fyrra og vonast skipuleggjendur að svipuð þátttaka verði þetta árið. Nú þarf bara að grafa upp hlaupaskóna og koma sér í hlaupagírinn fyrir 1. maí.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.