Viðauki við fjárhagsáætlun tæpar 30 milljónir
Á síðasta fundi sveitarstjórnar Skagafjarðar voru samþykktir viðaukar við fjárhagsáætlun 2013 annars vegar vegna áætlunarflugs á milli Sauðárkróks og Reykjavíkur og hins vegar vegna gatnagerðar. Alls nemur upphæðin tæpum 30 milljónum króna. Bókun frá 629. fundi byggðarráðs þann 27. júní 2013 vegna samgöngumála var lögð fram til staðfestingar á fundi sveitarstjórnarinnar og er eftirfarandi:
"Vegna samnings á milli Sveitarfélagsins Skagafjarðar og Air Arctic um áætlunarflug á milli Sauðárkróks og Reykjavíkur, þarf að gera viðauka á fjárhagsáælun ársins 2013. Sveitarstjórn Sveitarfélagins Skagafjarðar samþykkir að hækka fjárheimildir málaflokks 10890 um 7.700.000 kr. Fjármögnuninni mætt með lántöku."
Sigurjón Þórðarson og Stefán Vagn Stefánsson kvöddu sér hljóðs áður en málið var borið undir atkvæði en það var samþykkt á 304. fundi sveitarstjórnar með átta atkvæðum, einn fulltrúi sat hjá.
Vegna framkvæmda var bókun frá 633. fundi byggðarráðs þann 8. ágúst 2013 lögð fram til staðfestingar á fundinum:
"Lögð fram tillaga um viðauka við fjárhagsáætlun 2013. Um er að ræða hækkun á framkvæmdalið eignasjóðs vegna gatnagerðar, að upphæð 22.000.000 kr."
Sveitarstjórn Sveitarfélagsins Skagafjarðar samþykkir að hækka framkvæmdalið eignasjóðs um 22.000.000 kr. og mætt með aukinni lántöku.
Sigurjón Þórðarson tók til máls og lagði fram eftirfarandi bókun:
Sigurjón Þórðarson fulltrúi Frjálslyndra og óháðra situr hjá við afgreiðslu viðaukans, þar sem að ekki hafa enn fengist svör um hver skuldastaða sveitarfélagsins verði í lok ársins miðað við þær breytingar sem eru fyrirséðar á samþykktri fjárhagsáætlun.
Ásta Björg Pálmadóttir kvaddi sér hljóðs, þá Stefán Vagn Stefánsson, Sigurjón Þórðarson, Ásta Björg Pálmadóttir, Þorsteinn Tómas Broddason, Ásta Björg Pálmadóttir.
Viðaukinn var að lokum borinn undir atkvæði og samþykktur með átta atkvæðum.
Fleiri fréttir
-
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira -
Vinnsluholan að Reykjum var vígð í dag
feykir.is Austur-Húnavatnssýsla, Lokað efni 13.06.2025 kl. 20.02Ný vinnsluhola, RR-38, var formlega vígð í dag, föstudaginn 13. júní, að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu.Meira -
Selma Barðdal er nýr skólameistari FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 13.06.2025 kl. 17.06Líkt og Feykir hefur greint frá þá ákvað Ingileif Oddsdóttir skólameistari Fjölbrautaskóla Norðurlands vestra að láta af störfum að loknu skólaári. Nú hefur Guðmundur Ingi Kristinsson, mennta- og barnamálaráðherra, skipað nýjan skólameistara og það er Selma Barðdal Reynisdóttir sem hefur verið sett í embætti skólameistara FNV til fimm ára frá 1. ágúst næstkomandi.Meira
