Vöggugjöf Lyfju veitt í ellefta sinn
Lyfja opnaði fyrir umsóknir um Vöggugjöf í vikunni sem er nú gefin verðandi og nýbökuðum foreldrum í ellefta sinn, þeim að kostnaðarlausu. Vöggugjöfin var fyrst veitt árið 2020 og frá þeim tíma hefur Lyfja dreift 20 þúsund gjöfum sem innihalda vörur sem koma að góðu gagni fyrstu mánuði barnsins. Heildarverðmæti allra Vöggugjafanna frá upphafi er um 235 milljón krónur.
Markmið Vöggugjafar Lyfju er einna helst að veita nýbökuðum foreldrum allt það helsta sem þarf fyrir nýfætt barnið og þannig létt undir á tímum þar sem stuðningur sem þessi kemur sér vel. Hugmyndin að verkefninu fæddist í samstarfi við Ljósmæðrafélag Íslands. Í ár hefur Una Emilsdóttir, sérnámslæknir í umhverfislæknisfræði rýnt og valið þær húðvörur sem gefnar eru og séð til þess að þær séu án skaðlegra innihaldsefna fyrir bæði barnið og umhverfið.
„Árlega fæðast um 4.300 börn hér á landi og hefur það verið markmið okkar að sem flestir nýbakaðir foreldrar fái þessa vöggugjöf sem nýtist vel þegar nýr einstaklingur bætist í fjölskylduna. Aðsóknin er alltaf mikil og klárast gjafirnar oft stuttu eftir að við opnum fyrir skráningar. Það er því greinilegt að verðandi og nýbakaðir foreldrar kunna að meta framtakið og gleðjumst við yfir því að geta orðið að liði á þessum gleðilegu tímamótum í lífi fólks,“ segir Karen Ósk Gylfadóttir, framkvæmdastjóri Lyfju.
Hægt er að sækja um Vöggugjöfina á vef Lyfju og geta foreldrar óskað eftir að fá hana senda heim eða sótt hana í næstu verslun Lyfju um land allt.
/Fréttatilkynning
Fleiri fréttir
-
Höfðinglegur styrkur til Velferðarsjóðs Húnaþings vestra
feykir.is Vestur-Húnavatnssýsla, Mannlíf, Lokað efni 05.12.2025 kl. 10.11Ólöf Ólafsdóttir á Tannstaðabakka kom á fund stjórnar Velferðarsjóðs Húnaþings vestra fimmtudaginn 4. desember sl. og færði sjóðnum að gjöf kr. 600.000. Í frétt á vef Húnaþings vestra segir að Ólöf hafi unnið að gerð bútasaums-, púða, dúka og teppa undanfarin ár og hafa þau verið afar vinsæl bæði innan og utan héraðs.Meira -
Opið hús í Birkilundi á þriðjudaginn
feykir.is Skagafjörður, Mannlíf 05.12.2025 kl. 09.17Feykir hefur áður sagt frá því að nýr og glæsilegur leikskóli hafi verið tekinn í notkun í Varmahlíð seint í nóvember. Í tilkynningu á vef Skagafjarðar kemur fram að sveitarfélagið býður öllum áhugasömum að koma á opið hús í nýtt húsnæði Leikskólans Birkilundar, þriðjudaginn 9. desember frá kl. 16:00-17:30.Meira -
Starfsemi 1238 á Sauðárkróki kveður | Aðsent Freyja Rut
feykir.is Skagafjörður, Aðsendar greinar 04.12.2025 kl. 14.07Eftir sex ára ólgusjó í ferðaþjónustu, áskorunum tengdum heimsfaraldri og afleiðingum þess, eftir sex ár af velgengni í stöðugu mótlæti, ótrúlegum árangri og verulegu framlagi til menningartengdrar ferðaþjónustu, ekki bara í Skagafirði heldur víða um lönd stöndum við á krossgötum og tilkynnum lokun sýningarinnar 1238 á Sauðárkróki.Meira -
Bleikt boð Krabbameinsfélags Skagafjarðar
feykir.is Skagafjörður, Aðsendar greinar 04.12.2025 kl. 13.48„Á Bleika deginum berum við Bleiku slaufuna, klæðumst bleiku og lýsum skammdegið upp í bleikum ljóma til að minna á að það er list að lifa með krabbameini.” Þannig var Bleiki dagurinn í ár kynntur. Við í Skagafirði tókum undir þessi orð og héldum, að vanda, Bleika daginn hátíðlegan á Löngumýri, 29. október.Meira
