Völsungar gengu aftur
Tindastóll/Hvöt léku við fagurgræna Völsunga í gær en leikið var á Húsavíkurvelli. Okkar menn yfirspiluðu heimamenn framan af leik og voru komnir með góða stöðu þegar um hálftími lifði leiks en tókst að glutra niður tveggja marka forystu og tapa leiknum. Lokatölur 3-2 fyrir Völsunga.
Lið Tindastóls/Hvatar var sterkari aðilinn allan fyrri hálfleik og leiddi 1-0 í hálfleik með marki frá tenniskappanum Arnari Sigurðssyni. Fyrsta stundarfjórðunginn í síðari hálfleik voru okkar menn mun sterkari og uppskáru mark á 60. mínútu þegar Ingvi Hrannar Ómarsson gerði laglegt mark. Nú hefði mátt halda að allt líf væri úr Völsungum en svo var ekki, þeir fylltust baráttuvilja og minnkuðu muninn undir eins og þeir jöfnuðu síðan leikinn 10 mínútum síðar. Sigurmarkið í leiknum kom á 82. mínútu og þrátt fyrir að leikmenn Tindastóls/Hvatar hafi lagt allt í að jafna metin kom allt fyrir ekki.
Donni þjálfari þurfti að gera nokkrar breytingar á liði Tindastóls/Hvatar fyrir leikinn en Milan var í banni og þeir Árni Einar, Hallgrímur og Benni voru ekki með. Með sigri hefði lið Tindastóls/Hvatar náð að klóra sig upp í toppbaráttu 2. deildar en tapið þýðir að sjö lið eru nú með svipaðan stigafjölda um miðja deild að fyrri umferð lokinni. Næsti leikur verður leikinn á Blönduósi nk. laugardag en þá fá kapparnir lið Hattar frá Egilsstöðum í heimsókn en Höttur er í öðru sæti.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
