Vorum bara lélegir í leiknum, segir Bárður
Bárður Eyþórsson þjálfari Tindastóls var allt annað en sáttur við leik sinna manna í gær er liðið beið lægri hlut fyrir Snæfelli í Express deildinni í körfubolta. Leikurinn varð hörkuspennandi í lokin og mikil dramatík á lokasekúndunum. -Við vorum bara lélegir í leiknum, sagði Bárður eftir að leikurinn hafði verið flautaður af.
-Við áttum bara að vinna þennan leik, það er ekki flóknara en það. Það var allt á móti okkur í kvöld, ég verð bara að segja það, sagði svekktur þjálfarinn en vildi ekki gefa út nánari skýringar þó leiða megi að því líkum að þar hafi hann átt við dómgæsluna sem að mati margra varð liðinu að falli í lokin. -Ég á eftir að horfa betur á þetta á vídeó-upptökunni til að fá það staðfest.
Um frammistöðu nýju leikmannanna vildi Bárður lítið segja en áréttaði að liðið sjálft hafi ekki staðið sig. -Mér fannst liðið bara ekki vera sjálft að standa sig. Við vorum búnir að undirbúa okkur fyrir leikinn, það var ekkert sem kom okkur á óvart en undirbúningurinn segir ekkert ef mennirnir koma svo ekki tibúnir til leiks.
Næsti leikur Tindastóls er á sunnudag á móti Þór Þorlákshöfn í 16-liða úrslitum Powerade-bikarsins hér heima. – Já, sem betur fer er stutt í næsta leik. Við eigum að vera fljótir að snúa blaðinu við, segir Bárður og þá er bara að mæta á sunnudaginn og fylla bekkina. Leikurinn hefst kl. 19.15.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
