Yfir 100 nemendur hafa sótt námskeið Fornverkaskólans
Á vef Byggðasafns Skagfirðinga segir að enn einu mikilvægu skrefi í uppbyggingu og varðveislu húsa á Tyrfingsstöðum sé nú lokið þar sem Bragi Skúlason trésmíðameistari og Helgi Sigurðsson torf- og grjóthleðslumeistari hafa stýrt viðgerðum ásamt starfsmönnum safnsins. Báðir eru þeir Helgi og Bragi jafnframt kennarar á námskeiðum Fornverkaskólans, sem safnið er aðili að og stendur fyrir kennslu gamalla aðferða við smíðar.
Helgi, Bragi og Bryndís Zoëga, sem bæði er skráningarstjóri Tyrfingsstaðaverkefnisins og verkefnisstjóri Fornverkaskólans, sjá um efnisöflun og ýmsa viðgerðarþætti sem fara fram utan námskeiðanna. Tvö námskeið Fornverkaskólans voru haldin á Tyrfingsstöðum sl. sumar með alls tíu nemendum og að auki fengu átta nemar frá Landfræðideild háskólans í Southern Connecticut dags tilsögn í torfhleðslu.
Hlaðnir voru upp veggir búrs norðan við framhúsið. Smíðuð var grind í það, reft á þak og tyrft yfir. Einnig var smíðuð grind og þak í búr austan bæjarganga sem hlaðið var upp sumarið 2010. Þá voru hlaðnir gangaveggir sem liggja frá búri yfir í hlóðaeldhús og fjós. Göngunum var lokað og tyrft yfir. Utan námskeiðanna fer fram efnisöflun, meðferð efnis og frágangur og smíðar sem henta ekki fyrir námskeið. Bragi smíðaði t.d. framhúsgluggana og setti í fyrir nokkrum dögum.
Á Tyrfingsstöðum hefur nú verið gert við, að hluta eða öllu leyti, tvenn fjárhús, hestarétt, framhús, búr og hlóðaeldhús. Á næsta ári er fyrirhugað að gera við fjósið og jafnvel að hefja viðgerðir á baðstofunni en það eru tvö síðustu húsin í gamla bænum sem bíða viðgerða. Þá á eftir að gera við hesthús, tvenn fjárhús og hlöðu niður á túni, hrútakofa og hesthús á bæjarhólnum.
Á þeim 5 árum sem Tyrfingsstaðaverkefnið hefur staðið yfir hafa yfir 100 nemendur sótt námskeið Fornverkaskólans þar í gömlu byggingahandverki: torfhleðslu, grjóthleðslu, grindarsmíði, gluggasmíði, timburviðgerðum og vinnslu rekaviðar.
/Byggðasafn Skagfirðinga
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
