Fréttir

Það voru glaðir krakkar sem tóku formlega við aparólunni, sem Kiwanisklúbburinn Freyja stóð fyrir að komið yrði upp í fyrirhuguðum leikvelli sunnan Eyrartúns í Túnahverfi á Sauðárkróki í hádeginu í dag. Verkefnið er unnið í samstarfi við Skagafjörð og segir Freyja Rut Emilsdóttir, forseti klúbbsins, það einkar ánægjulegt að taka fyrsta leiktækið í notkun.

Kosning um nýtt byggðarmerki er ekki eina kosningin sem íbúum Húnabyggðar gefst færi á að taka þátt í þessa dagana því nú fer einnig fram kosning um nafn á grunnskóla Húnabyggðar. Auglýst var eftir nöfnum á skólann og bárust 119 tillögur.

Fyrr á árinu var íbúakosning í Húnavatnshreppi og á Blönduósi þar sem kosið var um sameiningu sveitarfélaganna. Sameining var samþykkt og það var að ýmsu að hyggja í framhaldinu. Þar á meðal að finna nýju sameinuðu sveitarfélagi, Húnabyggð, nýtt byggðarmerki. Fyrr í sumar var auglýst eftir tillögum og nú nú er hafin kosning á milli þeirra fjögurra merkja sem þóttu álitlegust.

Um síðustu helgi spiluðu nokkrir flokkar Unglingaráðs körfuknattleiksdeildar Tindastóls leiki eða 16 talsins og voru þrettán þeirra spilaðir í Síkinu.

Það var fallegt um að litast á Skagaheiðinni um helgina er Guðmundur Sveinsson, rjúpnaskytta á Sauðárkróki, fór þar um í veiðihug. Vildi hann lítið gefa upp um feng eða nákvæma staðsetningu þegar Feykir falaðist eftir mynd, sem hann setti á Facebook-síðu sína, til að birta í blaðinu.

Níunda bókin í röð skagfirskra æviskráa, frá tímabilinu 1910-1950, er komin út en það er Sögufélag Skagfirðinga sem stendur að útgáfunni. Bókin er jafnframt sú tuttugasta sem félagið gefur út af Skagfirskum æviskrám en fjórar fyrstu bækurnar, frá tímabilinu 1890-1910, komu út á árunum1964-72 en á árunum 1981-99 komu út sjö bindi í flokknum 1850-1890. Árið 1994 hófst svo útgáfa á æviskrám frá tímabilinu 1910-1950 en hún hefur legið niðri frá árinu 2013.

Enn á ný standa öll spjót á ríkisstjórn Íslands varðandi brottvikningu egypskrar fjölskyldu af landinu í dag. Málið hefur vakið mikla athygli undanfarna daga og sitt sýnist hverjum. Þannig hafa margir þá skoðun að einungis sé verið að fara eftir settum lögum og reglum, sem ég tel líklegt, meðan aðrir telja jafnvel að um hreina illsku sé að ræða eða í næst versta falli af hluttektarleysi valdhafa.

Hrund Pétursdóttir hefur verið ráðin í starf forstöðumanns fyrirtækjasviðs Byggðastofnunar. Hún var valin úr hópi margra hæfra umsækjanda, en alls sóttu 18 aðilar um stöðuna. Þetta kemur fram á heimasíðu stofnunarinnar en þar segir ennfremur að Hrund hafi lokið B.Sc. prófi í viðskiptafræði frá Háskólanum á Akureyri og meistaragráðu í endurskoðun og reikningsskilum frá Háskóla Íslands auk þess að hafa lokið viðbótardiplómu í opinberri stjórnsýslu frá sama skóla.

Fundur Veðurklúbbs Dalbæjar var að þessu sinni haldin í Löngulaut, sem er aðstaða dagdvalar á neðri hæð Dalbæjar, þann 1. nóvember sl. Ellefu aðilar mættu og samræður allar hinar bestu, segir í skeyti spámanna til fjölmiðla.

Hvaða þrjár konur verða heiðraðar og valdar úr hópi tilnefndra kvenna kemur í ljós á næstu FKA Viðurkenningarhátíð FKA á Grand Hótel þann 26. janúar 2023, þá mun koma í ljós hvaða konur hljóta FKA viðurkenninguna, FKA þakkarviðurkenninguna og FKA hvatningarviðurkenninguna 2023.