Fréttir

Tindastóll og Valur mætust í fjórða leiknum í einvígi liðanna um Íslandsmeistaratitilinn í Síkinu í kvöld. Leikurinn var jafn og spennandi en það voru gestirnir af Hlíðarenda sem hótuðu nokkrum sinnum að stinga af með gullið. Þeim varð þó ekki kápan úr því klæðinu því Stólarnir voru ódrepandi eins og oft áður. Lokamínútur leiksins voru hádramatískur og fór svo að framlengja þurfti leikinn. Þá drömuðu Stólarnir alla upp úr skónum, snéru leiknum sér í vil á loka andartökunum og Pétur galdraði fram sigurkörfu með því að stela boltanum eftir innkast Valsara og bruna upp völlinn með Kristófer Acox á hælunum og leggja boltann snyrtilega í körfuna og tryggði Tindastólsmönnum tækifæri til að taka titilinn í Origo-höllinni næskomandi miðvikudag. Mikið óskaplega getur þessi leikur stundum verið sætur! Lokatölur 97-95.

Tindastóll og ÍR mættust á Króknum í dag í 2. umferð Mjólkurbikars kvenna. Lið ÍR spilar í 2. deildinni en þar er keppni ekki enn hafin og það mátti því fyrirfram reikna með sigri Stólastúlkna þó að sjálfsögðu enginn leikur sé unnin fyrirfram. Það kom hins vegar á daginn að heimaliðið var töluvert sterkara en gekk illa að skapa sér dauðafæri. Mörkin létu þó sjá sig í síðari hálfleik og á endanum fór það svo að lið Tindastóls vann sanngjarnan 2-0 sigur og er því komið í 16 liða úrslit Mjólkurbikarsins.

Á Norðurlandi vestra eru nú fimm sveitarfélög og var kosið til sveitarstjórnar í fjórum þeirra. Á Skagaströnd var aðeins einn listi í framboði og því sjálfkjörinn og í Skagabyggð fór fram óbundin kosning til sveitarstjórnar þann. Í öðrum sveitarfélögum var barist um hylli og atkvæði kjósenda.

Húnvetningar voru heldur betur í partýgírnum í gær; kosningar, Eurovision og fyrsti sigurinn í 3. deildinni varð að veruleika í Skessunni í Hafnarfirði þegar lið Kormáks/Hvatar gerði sér lítið fyrir og lagði heimamenn í ÍH að velli í hörkuleik. Sigurmarkið kom þegar skammt var til leiksloka og lokatölur úr Hafnarfirði 2-3.

Það eru sveitarstjórnarkosningar í dag og hefur það sennilega ekki farið fram hjá nokkrum manni. Í nýju sameinuðu sveitarfélagi í Skagafirði fóru tveir valinkunnir höfðingjar úr Lýtingsstaðahreppi, Björn á Varmalæk og Sveinn á Lýtingsstöðum, ríðandi á kjörstað.

Lið Tindastóls spilaði fyrsta leik sinn í 4. deildinni í sumar á Króknum í dag en þá komu liðsmenn Knattspyrnufélags Kópavogs í heimsókn. Eins og vænta mátti þá voru þar engir aukvisar á ferð og úr varð spennuleikir þar sem hart var tekist á. Bæði lið áttu ágæta spretti en gestirnir pressuðu stíft síðustu mínútur leiksins eftir að hafa jafnað leikinn í 1-1 en sigurmark leit ekki dagsins ljós að þessu sinni og deildu liðin því stigunum.

Uppbygging atvinnustarfsemi að Aðalgötu 21 í Gránu og aðliggjandi húsum er stórt verkefni, sem Sveitarfélagið Skagafjörður og fyrirtækið Sýndarveruleiki ehf. undir forystu Ingva Jökuls Logasonar réðust sameiginlega í á árunum 2016-2019. Niðurstaðan varð samningur milli þessara aðila um samstarf og fjárfestingar af beggja hálfu. Sveitarfélagið Skagafjörður endurgerði áðurnefnd hús sem voru í niðurníðslu og Sýndarveruleiki ehf. setti á fót á eigin kostnað sýningu í húsinu um Sturlungaöldina þar sem áhersla er á notkun stafrænnar tækni við að miðla sögunni til gesta. Sýningin, sem kallast: 1238, Baráttan um Ísland, opnaði í júní 2019 með viðhöfn.

ByggðaListinn er listi sem ekki er háður hefðbundinni flokkspólitík og getur því virkjað mannauðinn og skapað hugmyndir með frelsið að leiðarljósi. Á listanum er fólk af öllu hinu pólitíska litrófi sem á það sameiginlegt að brenna fyrir hagsmunum íbúa Skagafjarðar.

Á morgun göngum við til kosninga og vonandi verður þú kjósandi góður búinn að fara vel yfir málin, kynna þér hvað flokkarnir hafa fram að færa og velja það fólk sem þú telur að vinni af sem mestum heilindum fyrir samfélagið okkar.

Fjárhagsáhyggjur eru líklega algengustu áhyggjur verðandi foreldra. Ekki nóg með það að fæðingarorlof er að hámarki 80% af meðallaunum hvors foreldris 18-6 mánuðum fyrir fæðingu, þá eru það eingöngu hærri barnabætur (á næsta ári) sem taka við tekjulausum foreldrum ef ekki fæst leikskóla- eða dagforeldrapláss að loknu fæðingarorlofi.