Hellings golf í sumar | Frá Golfklúbbi Skagafjarðar

feykir.is Skagafjörður, Íþróttir, Aðsendar greinar 22.06.2026 kl. 11.13
AÐSEND MYND
AÐSEND MYND

Golfsumarið er heldur betur komið á fullt. Fyrir utan innanfélagsmótin hjá okkur í boði HardWok og Esju Gæðafæðis þá eru opnu mótin farin að rúlla af stað líka og eru nú tvö opin mót búin og Meistaramót næst á dagskrá sem er hápunkturinn í mótahaldi hjá GSS. Meistaramóts vikan er 29. júní til 4. júlí og má þá búast við fjölmenni á vellinum og skemmtilegri keppni og alveg þess virði að gera sér ferð á Hlíðarendavöll og fylgjast með lífinu þar.

Opna KS mótið í Texas Scramble fór fram 13. júní í ljómandi góðu veðri og vor alls 22 lið sem tóku þátt, eða 44 keppendur. Sigurvegarar mótsins voru Sigríður Elín Þórðardóttir og Andri Þór Árnason á -12. Kaupfélag Skagfirðinga veitti vegleg verðlaun fyrir fyrstu 5 sætin og kunnum við þeim bestu þakkir fyrir stuðninginn.

Opna Hlíðarkaups mótið fór svo fram 20. júní, í kannski ekki eins góðu veðri. Norðanáttin var ríkjandi og það var frekar svalt og blautt að margra mati. En allir 24 keppendur skiluðu sér 18 holurnar og þáðu kaffiveitingar á eftir til að ylja sér. Kept var í einu opnum flokk í punktakeppni og það var Árný Lilja sem sigraði með 35 punkta. Líkt og í KS mótinu voru veitt vegleg verðlaun fyrir 5 efstu sætin og svo einnig nándarverðlaun á par 3 brautunum. Við þökkum Hlíðarkaup og Ásgeiri kærlega fyrir stuðninginn og vonum að þótt að þetta hafi verið síðasta mótið undir stjórn Ásgeirs að við sjáum áfram Hlíðarkaups mót á vellinum hjá okkur á komandi árum.

Það er svo nóg framundan hjá okkur það sem eftir lifir af sumri og hlökkum við til að sjá sem flesta á vellinum.

Golfkveðja Mótanefnd GSS

Til baka

Fleiri fréttir

  • frá fyrri Atvinnulífssýningu. Mynd: skagafjordur.is

    Atvinnulífssýning Skagafjarðar – skráning hafin

    feykir.is Skagafjörður, Mannlíf, Fréttir 13.08.2026 kl. 11.30 hinrik@feykir.is
    Atvinnulífssýning Skagafjarðar verður haldin í íþróttahúsinu á Sauðárkróki helgina 19.–20. september nk. Sem fyrr er sýningunni ætlað að varpa ljósi á þann fjölbreytileika sem er í þjónustu, framleiðslu, mannlífi og menningu í sveitarfélaginu ásamt því að vekja jákvæða athygli á samfélaginu.
    Meira
  • Gunnar á fundi Norðurlandaráðs í Osló í apríl en hann er varamaður í stjórn Norðurlandaráðs ungmenna og var á þeirra vegum. MYND AÐSEND.

    Rabb-a-babb 251: Gunnar Ásgríms

    feykir.is Skagafjörður, Rabb-a-babb, Lokað efni 13.08.2026 kl. 09.46 oli@feykir.is
    Það er Gunnar Ásgrímsson frá Sauðárkróki sem svarar Rabbinu í þetta skiptið. Hann er fæddur aldamótaárið 2000, sonur Gurru og Ása (Guðrúnar Sighvatsdóttur og Ásgríms Sigurbjörnssonar), býr í Reykjavík sem stendur og segist vera barnlaus einhleypingur. Gunnar var að útskrifast sem stærðfræðikennari frá HÍ og vinnur nú í Háteigsskóla í Reykjavík. Sumrinu segist hann helst ætla að eyða í að ferðast og vinna með ungliðum í xNei fyrir atkvæðagreiðsluna í ágúst.
    Meira
  • Óli Rúnar Ástþórsson. Mynd: Aðsend.

    „Þúsund þorskar á færibandinu þokast nær.“ | Óli Rúnar Ástþórsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 13.08.2026 kl. 09.00 hinrik@feykir.is
    Svo söng þjóðskáldið í eyru okkar sem ung unnum í „vinnslunni“ og horfðumst í augu við þann gula í flökuninni. En undanfarin ár hefur færibandið snúið í hina áttina og textinn ætti betur við líðandi stund sem: „Þúsund þorskar á færibandinu þokast fjær!“. Ástæðan er ekki minni afli eða færri fiskar, heldur aðstæður okkar út í hinum stóra heimi. Tollar ESB á unnar vörur hindra okkur í að vinnan allan bolfisk, þ.m.t. lax, í neytendaumbúðir hér heima. Það er vitað mál að aldrei verður hægt að vinna hér nema hluta aflans inn á ferska markaðinn í Evrópu.
    Meira
  • Súluritið er útskýrt í fréttinni. MYND FRÁ SELASETRI ÍSLANDS

    Niðurstaða Selatalningarinnar miklu er áhyggjuefni

    feykir.is Vestur-Húnavatnssýsla, Lokað efni 12.08.2026 kl. 16.31 oli@feykir.is
    Mánudaginn 27. júlí fór Selatalningin mikla fram á Vatnsnesi í 16. skipti á vegum Selaseturs Íslands. Alls tóku 43 manns þátt í talningunni. í tilkynningu á vef Selasetursins segir að í fyrrasumar varð 19% fækkun sela miða við talninguna árin tvö á undan. Vonast var til að um frávik væri að ræða og því varð niðurstaðan úr talningunni nú í júlí talsverð vonbrigði því fjöldinn stóð nánast í stað frá í fyrra, 441 selur talinn.
    Meira
  • Donni þjálfari. MYND AF VEF KSÍ

    Donni lætur af störfum hjá KSÍ

    feykir.is Skagafjörður, Íþróttir, Lokað efni 12.08.2026 kl. 16.10 oli@feykir.is
    Knattspyrnusamband Íslands og Halldór Jón Sigurðsson (Donni þjálfari) hafa komist að samkomulagi um að hann láti af störfum sem þjálfari U19 landsliðs kvenna. Donni er búsettur á Sauðárkróki og „...eftir yfirferð á stöðu mála hafa aðilar komist að þeirri sameiginlegu niðurstöðu að erfitt sé til lengri tíma að samræma umfang starfsins þeim ferðalögum og þeim kröfum sem fylgja starfinu,“ segir í yfirlýsingu frá KSÍ.
    Meira
Yfirlit frétta