Til stuðnings konum sem verða fyrir kynferðislegum árásum og misnotkun eða áreitni
„Þetta merki er krafa um kvenréttindi, sett fram í kjölfar þess sem gerðist á úrslitaleik Heimsmeistaramóts kvenna. Leikmaður spænska kvennalandsliðsins sem varð heimsmeistari, Jennifer Hermoso, varð fyrir líkamlegri áreitni af hendi forseta spænska knattspyrnusambandsins,“ tjáði Marta Vives, leikmaður Tindastóls, blaðamanni Feykis en hún og stalla hennar, Beatriz Salas báðu um að fá þessa mynd tekna af þeim.
„Allur kvennafótboltaheimurinn hefur komið fram til stuðnings Jennifer og öllum þeim konum sem verða fyrir kynferðislegum árásum og misnotkun eða áreitni. Og í dag tók allt kvennalið Tindastóls undir þetta málefni,“ bætti Marta við.
Málið snýst um að Luis Rubiales, forseti spænska knattspyrnusambandsins, kyssti fyrirliða spænska landsliðsins á munninn við verðlaunaafhendingu eftir að lið Spánar varð heimsmeistari. Hann hafði einnig gripið um klofið á sér í kjölfar á sigurmarki Spánverja. Hafa allir leikmenn spænska liðsins ákveðið að spila ekki fyrir landsliðið nema Rubiales segi af sér en hann sér ekki ástæðu til þess – og því tekist að ræna leikmenn Spánar gleðinni og stoltinu af því að verða heimsmeistarar í fyrsta skipti í sögunni með því að láta allt snúast um sig. Það verður að teljast afar ólíklegt að honum verði til setunnar boðið þar sem framferði hans hefur vakið hneykslan og hann verið harðlega gagnrýndur.
Hvað fótboltann á Ísland varðar segir Marta að hún og Beatriz hafi nú verið á Sauðárkróki að berjast fyrir lið og liti Tindastóls í rúman mánuð. „Við erum satt að segja mjög ánægðar hér vegna þess hvernig samfélagið og liðsfélagar okkar hafa tekið á móti okkur. Við hlökkum til að halda áfram að berjast fyrir því að halda liðinu í Bestu deildinni, þar sem þetta félag á í raun heima. Við elskum Sauðárkrók og Tindastól!“
Fleiri fréttir
-
Blöndu og Svartá til leigu frá og með 2025
feykir.is Austur-Húnavatnssýsla 07.05.2024 kl. 19.52Húnahornið greinir frá því að laxveiðiárnar Blanda og Svartá hafi verið auglýstar til leigu frá og með sumrinu 2025. Einkahlutafélagið Starir er með vatnasvæðið á leigu í dag en núgildandi leigusamningur rennur út í haust. Því óskar Veiðifélag Blöndu og Svartár eftir tilboðum í leigu eða umboðssölu á öllum veiðirétti félagsins í laxveiðiánum frá og með sumrinu 2025 til og með 2029 með almennu útboði.Meira -
Sr. Guðrún Karls Helgudóttir næsti biskup Íslands
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.05.2024 kl. 15.15Nú liggur það ljóst fyrir hver verður biskup Íslands eftir síðari umferð biskupskosninganna lauk á hádegi í dag 7. maí og hlaut Sr. Guðrún Karls Helgudóttir flest atkvæði 1060 eða 52,19%. Sr. Guðmundur Karl Brynjarsson fékk 954 atkvæði eða 46,97%.Meira -
Katrín heimsækir Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 07.05.2024 kl. 14.40Fyrstu kappræður þeirra tólf frambjóðenda sem stefna á Bessastaði fóru fram í Sjónvarpinu sl. föstudag og vöktu talsverða athygli og gott áhorf. Nú eru tæpar fjórar vikur til kjördags og því eru forsetaefnin komin á fulla ferð í eltingaleiknum um atkvæði kjósenda. Katrín Jakobsdóttir er mætt til leiks og er á ferð um landið en næstu tvo daga verður hún á Norðurlandi vestra; fundar á Blönduósi og Sauðárkróki miðvikudaginn 8. maí og á Hvammstanga degi síðar.Meira -
Hryllingsbúðin fer alveg að opna
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.05.2024 kl. 14.13Nú er útlit fyrir að að Litla hryllingsbúðin fari að opna. Stefnt er að frumsýningu föstudaginn 10. maí. Sýningin sem átti að fara fram miðvikudaginn 8. maí fellur hinsvegar niður.Meira -
Hópslysaæfing við Blönduós á laugardaginn
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 07.05.2024 kl. 11.37Nú laugardaginn 11. maí verður haldin stór hópslysaæfing í umdæmi lögreglustjórans á Norðurlandi vestra. Fram kemur í tilkynningu á FB-síðu LNV að vettvangur æfingarinnar/slyssins verður ofan Blönduóss eða á gatnamótum Ennisbrautar og Neðribyggðarvegar. Af þeim sökum verður Ennisbraut lokuð við Mýrarbraut og Þverárfjallsveg frá kl.11:00 og fram eftir degi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.