Topplið Grindavíkur reyndist of stór biti fyrir Skólastúlkur
Hlutirnir eru ekki alveg að falla með kvennaliði Tindastóls í körfunni. Í gær héldu stelpurnar suður í Grindavík þar sem sterkt lið heimastúlkna beið þeirra. Þrír leikhlutar voru jafnir en einn reyndist Stólastúlkum dýrkeyptur og fjórða tapið í röð því staðreynd. Lokatölur 82-68.
57 áhorfendur mættu í HS Orku-höllina í Grindavík og fengu að upplifa nokkuð öruggan sigur heimaliðsins. Leikurinn var jafn og spennandi allan fyrsta leikhluta, staðan jöfn 20-20 að honum loknum, en eftir þriggja mínútna leik í öðrum leikhluta var heimaliðið komið með fimm stiga forystu, 29-24, og tveimur mínútum síðar munaði tíu stigum. Staðan í hálfleik var 48-34 og mestur varð munurinn á liðunum 21 stig um miðjan þriðja leikhluta, 59-38. Í kjölfarið náðu Stólastúlkur 10-2 kafla en staðan 66-49 að loknum þriðja fjórðungi. Lið Tindastóls var þó ekkert á þeim buxunum að gefast upp þrátt fyrir mótlætið. Inga Sólveig minnkaði muninn í tíu stig, 66-56, þegar sex mínútur voru til leiksloka og þristur frá Martinez þegar þrjár mínútur voru eftir kom muninum í átta stig, 70-62. Grindvíkingar svöruðu með sjö stigum í röð og jörðuðu þar með endurkomudrauma Stólastúlkna.
Það komu aðeins fjögur stig á töfluna frá bekk Tindastóls, sem er dapurt, en merkilegt nokk þá voru það engu að síður helmingi fleiri stig en bekkur Grindvíkinga skilaði. Átta leikmenn af tólf komu við sögu hjá Grindvíkingum en Martín leyfði níu leikmönnum að spreyta sig af tíu sem voru á skýrslu. Það er nokkuð ljóst að deildin í vetur er sterkari en síðast en fyrr en síðar hlýtur annar sigur Stólastúlkna að detta í hús.
Maddie Sutton var sterkust í liði Tindastóls, gerði 19 stig og tók 13 fráköst og þar af sex sóknarfráköst. Marta var með 17 stig, sex fráköst og sex stoðsendingar en skotin voru ekki detta fyrir hana í þetta skiptið. Oceana gerði 18 stig og þar af setti hún fjóra þrista, Alejandra Martinez gerði sjö stig, Brynja Líf 3 og Eva Rún og Inga Sólveig sitt hvor tvö stigin.
Á þriðjudaginn kemur lið Keflvíkinga í heimsókn en þær dökkbláu hafa unnið þrjá leiki og tapað þremur nú í byrjun móts.
Fleiri fréttir
-
Forsætisráðherra hafnaði beiðni SSNV um fund
feykir.is Skagafjörður, Austur-Húnavatnssýsla, Vestur-Húnavatnssýsla 05.11.2025 kl. 15.51Fram kemur í fundargerð stjórnar SSNV (Samtaka sveitarfélaga á Norðurlandi vestra) þann 3. nóvember sl. að forsætisráðherra, Kristrún Frostadóttir, hefði hafnað beiðni samtakanna um fund með stjórn SSNV vegna alvarlegrar stöðu landshlutans og mögulegra aðgerða til að snúa neikvæðri þróun við. Stjórn SSNV hafði beðið um fund með valkyrjunum þremur en ekki hafa borist svör frá utanríkisráðherra og félags- og húsnæðismálaráðherra en forsætisráðuneytið benti aftur á móti á innviðaráðuneyti Eyjólfs Ármannssonar vegna erindisins.Meira -
Sjö verkefni styrkt af Samfélagssjóði KS
feykir.is Skagafjörður, Lokað efni 05.11.2025 kl. 15.16Tilkynnt var í gær á fundi á Kaffi Krók hvaða verkefni fá úthlutað úr Samfélagssjóði Kaupfélags Skagfirðinga en það er sérstök úthlutunarnefnd skipuð fulltrúum sveitarfélagsins Skagafjarðar og KS sem velja hvaða verkefni fá styrki. Alls skiptast styrkirnir að þessu sinni á milli sjö verkefna en hæsta framlagið rennur til uppsetningar á þremur rennibrautum í Sundlaug Sauðárkróks sem áætlað er að verði teknar í notkun fyrri part ársins 2026. Alls nema styrkirnir að þessu sinni rúmlega 84 milljónum króna.Meira -
Fræðsludagur UMSS í Miðgarði þann 10. nóvember
feykir.is Skagafjörður, Íþróttir 05.11.2025 kl. 15.09Á heimasíðu UMSS segir að fræðsludagur UMSS 2025 verður haldinn í Miðgarði, Skagafirði þann 10. nóvember og hefst kl. 17:00. Öllum stjórnarmönnum aðildarfélaga UMSS, USAH og USVH, þeirra deildum og nefndum, auk öllum þjálfurum hjá aðildarfélögunum er boðið að koma og taka þátt á Fræðsludeginum.Meira -
Færum ekki svo auðveldlega úr ESB | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 05.11.2025 kl. 13.18Fyrir rúmu ári lét Kristrún Frostadóttir, formaður Samfylkingarinnar og nú forsætisráðherra, þau orð falla í hlaðvarpinu Chess After Dark að ekki yrði auðvelt að ganga úr Evrópusambandinu eftir að inn væri komið. Þá væri umsóknarferlið að sambandinu alls ekki einfalt. „Ég veit bara að það er rosalega mikil vegferð að fara í það ferli og það er líka vegferð sem þarf að vera mikil samstaða um hjá þjóðinni. Eins og dæmin hafa sýnt, þú gengur ekki svo auðveldlega út úr Evrópusambandinu.“Meira -
Skagafjörður auglýsir til leigu grunnskólann á Hólum
feykir.is Skagafjörður, Lokað efni 05.11.2025 kl. 11.22Sveitarfélagið Skagafjörður auglýsir til leigu fasteignina Hólar Grunnskóli F2142800, 409 fermetra húsnæði ásamt íbúðarhluta sem er að auki 135 fermetrar, staðsett á Hólum í Hjaltadal Skagafirði. Húsnæðið var áður notað sem skólabygging og hentar því vel fyrir ýmsa starfsemi.Meira
