Guðjón Ingimundar og Bogga skipa stóran sess í Skagfirðingabók 40
Í gær fór fram útgáfuhátíð í Safnahúsi Skagfirðinga í tilefni af útkomu 40. bindis Skagfirðingabókar. Þar var bókin kynnt og höfð til sölu á kynningarverði en ágætis mæting var á samkomuna þó flestir hafi sennilega haft tengsl við megin umfjöllunarefni bókarinnar, Guðjón Ingimundar og Boggu. Það er Sögufélag Skagfirðinga sem gefur út Skagfirðingabók.
Hjalti Pálsson frá Hofi sagði frá efni bókarinnar en þrátt fyrir að Guðjón og Bogga hafi fengið óvenju ríkulegt pláss í bókinni þá prýða bókina tíu greinar. Þar á meðal eru tvær afmælisgreinar um merka Skagfirðinga. Fyrst skal telja merkasta myndhöggvara Dana, Thorvaldsen, en í ár eru 250 ár síðan hann fæddist á Skagafirði. Þá eru nú 200 ár frá fæðingu Sölva Helgasonar, eða Sólon Íslandus, sem var þekktur sem flakkari, listamaður og heimspekingur á 19. öld.
Sölvi Sveinsson er höfundur höfuðgreinar bókarinnar um heiðurshjónin Boggu og Guðjón Ingimundar. Sölvi kynnti greinina fyrir gestum og las upp úr bókinni. Birgir Guðjónsson fylgdi fast á hæla Sölva og sagði frá foreldrum sínum og uppvaxarárunum á Króknum, lýsti heimilislífinu og ferðalögum fjölskyldunnar skemmtilega. Síðust í pontu var Sólborg Una Pálsdóttir, héraðsskjalavörður hjá Héraðsskjalasafni Skagfirðinga, en hún sagði frá skráningu ljósmyndasafns Guðjóns og ýmsu fleiru sem tengdist honum sem unnið er að hjá safninu.
Að lokum var grímuklæddum gestum boðið upp á kaffi, kleinur og pönnsur.
Bókin var sett hjá Nýprenti í ársbyrjun og var komin úr prenti í apríl. Sökum ástandsins í heiminum var útgáfu frestað fram í september en síðan var ákveðið að útgáfuhátíð yrði á Sæluviku, um mánaðarmótin september-október. Enn á ný setti faraldurinn strik í reikninginn og Sæluvikan var blásin af. Útgáfuhátíðin fór þó fram í gær og ekki verður annað sagt en að Skagfirðingar hafi verið til fyrirmyndar og gætt að sér á hátíðinni í gær, langflestir með grímur og sprittaðar hendur.
Fleiri fréttir
-
Geggjaðir Grindvíkingar í Síkinu
feykir.is Skagafjörður, Íþróttir 16.04.2024 kl. 09.52Það er rétt að byrja á því að hrósa Grindvíkingum, þeir voru frábærir í gær og verðskulduðu sigur í Síkinu þegar þeir mættu liði Tindastóls í öðrum leik liðanna í úrslitakeppni Subway-deildarinnar en þeir leiða nú einvígið 2-0. Gestirnir náðu yfirhöndinni seint í fyrsta leikhluta og léku við hvern sinn fingur þar til þriðji leikhluti var úti en þá var munurinn 32 stig. Þrátt fyrir að Stólarnir gerðu fyrstu 21 stig fjórða leikhluta voru þeir í raun aldrei nálægt því að jafna leikinn – hvað þá að vinna hann. Lokatölur voru 88-99 og ljóst að lið Tindastóls þarf að finna góðan skammt af galdradufti til að snúa þessu einvígi við.Meira -
Öldungamót Smára
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 09.20Nú er lag fyrir gamlar frálsíþróttakempur og aðra áhugasama að skrá sig á öldungamót Smára sem fram fer í íþróttahúsinu í Varmahlíð laugardaginn 20.apríl nk.Meira -
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.