Lambadagur í Þráarhöllinni á Hólum
Sauðfjárræktarfélagið Kolbeinn og Búnaðarfélag Hofshrepps stóðu fyrir Lambadegi í Þráarhöllinni á Hólum þann 13. október síðastliðinn. Að sögn Þórdísar Halldórsdóttur, formanns Kolbeins, var vel mætt af bændum í félögunum tveimur og fólki sem kom bara til að skoða og sjá og er hún við hæstánægð með viðtökurnar.
„Agnar á Miklabæ sá um að vera kynnir fyrir okkur og gerði það með stakri prýði. Gunnar á Ökrum og Sigurður á Ysta-Mói voru dómarar og röðuðu hrútum og skrautgimbrum upp fyrir okkur,“ segir Þórdís og sendir þeim þremur bestu þakkir fyrir daginn.
Keppt var í þremur flokkum í lambhrútakeppni. Kollóttir, mislitir og hvítir hyrndir.
Í kollótta flokknum vann hrútur frá Brekkukoti undan heimahrút upp á 88 stig, í mislita flokknum vann svarflekkóttur Bjartssonur frá Brimnesi með 87 stig og í hvítum hyrndum varð í fyrsta sæti Tvistssonur frá Ytri-Hofdölum upp á 88 stig.
Skrautgimbrakeppni barnanna var tvíþætt. Annars vegar voru veitt verðlaun fyrir skrautlegustu gimbrina frá náttúrunnar hendi og svo best skreyttu gimbrina.
Titilinn „skrautlegasta gimbrin frá náttúrunnar hendi“ hreppti Jökull Máni Nökkvason með skemmtilega kollótta svarflekkótta gimbur. Og best skreytta gimbrin var valin hjá þeim Fjólu Indíönu í Víðinesi og Camillu Líf á Laufskálum sem mættu saman með fallega skreytta gimbur.
Forystukapphlaup var nýr dagskrárliður og vakti mikla lukku og heppnaðist mun betur en skipuleggjendum þorðu að vona, að sögn Þórdísar. Það var svartur forystusauður frá Jóhanni Inga í Ásgeirsbrekku sem að tók forystuna og setti gott hraðamet yfir höllina.
Einnig var annar nýr dagskrárliður kynntur sem var montgimbrin. Hreinhvít gimbur frá Ytri-Hofdölum fékk titilinn í ár með flest atkvæði.
Happdrættið okkar var einnig á dagskránni eins og síðast og viljum við þakka fyrirtækum sem að styrktu okkur um vinninga kærlega fyrir aðstoðina. Aðalvinningurinn í ár var svarbotnótt lífgimbur frá mér, Ytri-Hofdölum, til að hleypa smá spennu í happdrættið og það fór svo að annar dómarinn hreppti gimbrina, Siggi á Ysta Mói,“ segir Þórdís.
Nánari upplýsingar er hægt að nálgast í Feyki sem kemur út í dag.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.