Laugardagsrúntur í Húnaþingi vestra
Það var hið ágætasta veður í gær á Norðurlandi vestra og þar sem það var laugardagur í verslunarmannahelgi þótti blaðamanni Feykis tilhlýðilegt að fara einn vænan rúnt í Húnaþing vestra. Fjölmargir voru á ferðinni og flestir sennilega með tröllklettinn Hvítserk sem einn af helstu skoðunarstöðunum norðan heiða.
Ferðin hófst á því að ekið var inn Víðidalinn og kíkt í Kolugljúfur en þar ku tröllkona að nafni Kola hafa búið um sig. Gljúfrið er hrikalegt og magnað og kannski einn af þessum stöðum sem kalla má illa varðveitt leyndarmál rétt við þjóðveg 1. Það er þó vissara að vera ekki með neinn æsing og læti þegar Kola er heimsótt því gljúfrið er djúpt og þverhnípt.
Næst lá leiðin í vegasjoppuna Víðihlíð þar sem fjárfest var í ísköldu Pepsi Maxi og stefnan síðan tekin á Vatnsnesið og ákveðið að fara frá austri til vesturs og öfugan sólargang í þokkabót. Það hefur ekki farið framhjá mörgum að vegurinn um Vatnsnesið er engin hraðbraut, oftar en ekki yfirfullur af hraðahindrunum frá „náttúrunnar hendi“ ef svo mætti komast að orði. Vegagerðin hefur þó að líkindum sett landsmet í gerð útskota á þessum vegi og í umferðinni í gær voru þau óspart notuð og vegfarendur velflestir fegnir þeim. Þau voru í það minnsta óspart notuð. Helst að rútubílar æddu óhikað áfram og skildu eftir sig rismikla rykmekki.
Við slepptum því að heimsækja Borgarvirki en á þeim slóðum er gaman að sjá að sumarbústaðaspretta virðist vera með besta móti þessi misserin og víða má sjá gróðurvinjar í nágrenni þeirra og ekki virðist sprettan verri í þeim. Ósar eru magnaður áningarstaður þar sem má finna sjaldgæfa þjónustumiðstöð þar sem ferðamenn voru í nær sunnlenskum fjölda. Og rétt norðan við Ósa er hægt að leggja leið sína niður að nýlegu bílastæði og stíg sem liggur að útsýnispalli ofan Hvítserks. Nóg var af fólkinu sem rölti í sólinni og norðanvindinum og virti fyrir sér steingert tröllið sem ku hafa haft búsetu í Bæjarfelli á Ströndum.
Áfram lá leiðin og holunum fjölgaði og meðalhraðinn minnkaði nokkuð. Nú fór að bera á ferðamönnum sem vildu sjá seli og fugla og heldur virkar Vatnsnesið harðgerðara vestanmegin en austan. Á Hvammstanga var rennt niður að Selasetrinu og síðan bætt á tankinn á veitingastaðnum Sjávarborg þar sem maturinn er frábær og útsýnið magnað. Hvammstangi er hlýlegur og snyrtilegur bær og þangað er gott að koma.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.