„Þetta eru ævintýradagarnir okkar“
Þessa vikuna eru svokallaðir Vordagar í Blönduskóla en það eru síðustu dagar skólaársins. Þá er farið í vettvangsferðir og nemendurnir verja tíma sínum að mestu utandyra.
„Á Vordögum vinnum við mikið úti, ýmis útiverkefni. Þetta eru svona ævintýradagarnir okkar. Það sem mér finnst alltaf sorglegt er að það biðja alltof margir foreldrar um leyfi fyrir börnin sín og spyrja jafnvel hvort þau séu nokkuð að læra þessa daga. En þau eru náttúrulega að læra mjög mikið, það er hægt að læra svo margt þótt það standi ekki í bók,“ segir Berglind Björnsdóttir aðstoðarskólastjóri í nýjasta tölublaði Feykis.
Það var margt um að vera þann dag sem Feykir heimsótti Blönduskóla, sl. mánudag; 10. bekkur lagði af stað í fjögurra daga útskriftarferð um Suðurlandið og til Vestmannaeyja, einn hópur skoðaði sig um í Húnaþingi vestra, nemendur í 8. og 9. bekk fóru fram í Dalsmynni í Svínadal og yngsti hópurinn í fjöruferð.
„Það er alltaf gleði og gaman, þau umgangast skólafélagana sína með allt öðrum hætti en aðra daga, mér finnst þetta vera mjög mikilvægir skóladagar líka,“ sagði Berglind.
Nánari umfjöllun um Blönduskóla og þann góða anda sem ríkir í skólanum má sjá Feyki sem kom út í dag.
Fleiri fréttir
-
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.