„Ég held að geggjun sé vægt til orða tekið“
Það hefur ekki farið framhjá neinum sem fylgst hafa með vegferð Tindastóls í gegnum úrslitakeppnina að það eru flestallir stuðningsmenn liðsins merktir Stólunum í bak og fyrir. Það er Þröstur Magnússon í Myndun á Sauðárkróki sem hefur eytt ófáum klukkutímunum í að framleiða allt milli himins og jarðar svo allir sem vilja geti borið Tindastólsmerkið með stolti. Í lokaviku einvígis Vals og Tindastóls bættist síðan við heilmikil prentun vegna atvinnulífssýningar á Króknum og framleiðsla á sérstökum Íslandsmeistarabolum en salan hefur farið frábærlega af stað.
Feykir sendi nokkrar spurningar á kappann og byrjaði á að spyrja út í Íslandsmeistarabolina. Ætli það sé einhver hreyfing? „Það er búið að panta um 250 boli eins og staðan er núna. Við erum komin með í sölu allar stærðir frá 3 ára og nánast uppúr. Bolurinn er ennþá í forpöntun og við reynum að afgreiða þetta eins fljótt og hægt er en vonandi sýnir fólk okkur þolinmæði, það tekur okkur smá tíma að koma þessu frá okkur.“
Hefurðu sofið eitthvað síðustu vikurnar og kannski misst af leikjum Tindastóls? „Ég hef eitthvað náð að sofa en það hefur verið mismikið, það verður að viðurkennast. Ég reyndi að hafa leikina í gangi í sjónvarpinu á verkstæðinu og fylgjast með eins og hægt var en það er ekki hægt að tala um neitt venjubundið við síðustu vikur, fjölskyldan hefur setið frekar mikið á hakanum.“
Er þetta búin að vera algjör geggjun í verkefnum tengdum Tindastól nú í vor? Ég held að geggjun sé vægt til orðatekið. Þetta er búið að vera alveg ótrúlegt og ég held að svona mikil sala á íþróttavarningi eigi sér enga hliðstæðu á íslandi, þó ég þori ekki að fullyrða það. En þetta hafa verið bolir í nokkrum útfærslum, hettupeysur og derhúfur, ég hef nú ekki náð að halda utan um fjölda af tengundum af derhúfum en skilst að þær gætu verið 14 og vorum líka með bakpoka.“
Atvinnulífssýningin var í Síkinu um helgina og þar mátti sja heilu veggjaraðirnar útprentaðar, hvað reiknarðu með að hafa prentað út marga metra og plastað fyrir sýninguna? „Þetta voru um 200 fermetrar af prentun sem ég prentaði fyrir þessa sýningu með okkar bás meðtöldum.“
Ertu einn að vasast í þessu? „Ég er eini fasti starfsmaður Myndunar en ég hef sem betur fer gott fólk í kringum mig, hef fengið góða hjálp frá konunni, mömmu og vinum„“ segir Þröstur sem stefnir á sumarfrí í byrjun júlí.
Hægt er að panta bolinn fallega og ýmislegt fleira í Netverslun Myndunar www.myndun.is en Þröstur hannaði Íslandsmeistarabolinn sjálfur og segist vera með fleiri í pokahorninu eftir aðra hönnuði sem gætu litið dagsins ljós.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.