Gunnar og Stefanía hafa látið af störfum eftir langan starfsferil
Á vef FISK Seafood má sjá að tveir ötulir starfsmenn gegnum tíðina hafa nú sest í helgan stein og voru báðir kvaddir með virktum. Um er að ræða Gunnar Reynisson, kokk á Arnari HU1 sem var aðeins 15 ára þegar hann byrjaði til sjós, og síðan Stefaníu Kristjánsdóttur sem á að baki langan starfsferil hjá landvinnslu FISK.
Í fréttinni um starfslok Gunnars segir að hann sé nú sestur í helgan stein eftir áratuga starf á sjónum. „Gunnar byrjaði ungur til sjós, aðeins 15 ára gamall var hann komin á trillu með föður sínum. Þaðan fór hann á Höfrung III. Eins og vill verða þá giftist Gunnar norður í land og hóf störf hjá Skagstrendingi árið 1978, og hefur frá árinu 1983 verið kokkur á sjó, fyrst á Örvari og síðar Arnari HU1.
Að sögn Gunnars hefur þetta allt gengið sinn vanagang í gegnum öll þessi ár, áhafnirnar hafa verið hörkuduglegar og gott fólk sem hefur unnið með honum.“ Þá segir í fréttinni að Gunnar ætli nú að njóta lífsins með fjölskyldunni sinni og barnabörnunum sem eru orðin tíu talsins, ferðast um landið með hjólhýsið og taka því rólega. Gunnari voru færðar þakkir fyrir vel unnin störf.
„Stefanía Kristjánsdóttir hefur lagt stígvélin á hilluna,“ segir í fréttinni af starfslokum hennar en hún hóf fyrst störf árið 1971 og fyrir utan stuttan tíma þar sem hún starfaði á sjúkrahúsinu á Sauðárkróki og við barngæslu hefur fiskvinnslan verið hennar ævistarf. „Hjá landvinnslunni hefur Stefanía sinnt öllum almennum fiskvinnslustörf með miklum sóma.“
Haldið var kaffisamsæti til heiðurs Stefaníu í kaffistofu FISK þar sem henni voru færðar þakkir fyrir vel unnin störf. Samstarfsmenn og stjórnendur FISK Seafood óska bæði Gunnari og Stefaníu alls hins besta.
Fleiri fréttir
-
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira -
Sterk hreyfing – sterkt samfélag
feykir.is Austur-Húnavatnssýsla, Vestur-Húnavatnssýsla 01.05.2024 kl. 07.20Verkalýðsdagurinn verður haldinn hátíðlegur í Húnabyggð 1. maí undir yfirskriftinni Sterk hreyfing – sterkt samfélag. Kaffiveitingar verða að venju í Félagsheimilinu á Blönduósi og hefst dagskráin klukkan 15. Ræðumaður dagsins er Sigurey A. Ólafsdóttir, formaður Stéttarfélagsins Samstöðu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.