Heyskapur hefur gengið vel í eindæma tíðarfari
Fyrri slætti er víðast hvað lokið á Norðurlandi vestra og hefur heyskapur almennt gengið vel, enda tíðarfar með eindæmum gott. Bændur sem Feykir hafði samband við létu vel af heyjum og tíðarfari, þó að sums staðar sé töluvert um kal. Þá lítur vel út með kornrækt og gæti þresking hafist í byrjun september.
„Fyrri slætti víðast lokið og hefur almennt gengið vel, meiri uppskera og heyjað mun fyrr en í fyrra. Hey ættu víðast hvar í sýslunni að vera góð eftir sumarið, takist vel til með verkun. Þá háarspretta komin vel af stað,“ sagði Sigríður Ólafsdóttir bóndi og ráðunautur í Víðidalstungu í Húnaþingi vestra, í samtali við Feyki
„Það hefur gengið ótrúlega vel á þessu góða sumri. Við slógum heldur fyrr vegna góðs tíðarfars en fengum svipaða uppskeru og venjulega þrátt fyrir það. Margir kúabændur eru líklega búnir fyrir allnokkru og sauðfjárbændur langt komnir eða búnir,“ sagði Eydís Magnúsdóttir í Sölvanesi, þegar Feykir hafði samband við hana í gær.
Sömu sögu er að segja í Keldudal í Hegranesi, en þar er fyrrislætti lokið, mun fyrr en í fyrra. „Uppskeran var ágæt og heyin góð. Það lítur líka mjög vel út með kornið og þresking gæti hafist í byrjun september ef tíðin verður áfram góð,“ sagði Guðrún Lárusdóttir, bóndi í Keldudal
Þorlákur Sigurbjörnsson, bóndi í Langhúsum í Fljótum, kláraði fyrrislátt á miðvikudaginn, en sagðist þó eiga eftir dálítið fyrir hross sem þyrfti að fá að spretta úrsér, og yrði ekki tekið fyrr en eftir mánaðarmót. „ Það hefur gengið vel og þetta eru góð hey en magnið minna en oft áður, enda talsvert kalið,“ sagði Þorlákur.
Á Hæli í Húnavatnshreppi er fyrri slætti lokið og hefur heyskapur gengið vel til þessa. „Heyin eru góð og tíðin hefur verið einstaklega góð, heitt og rakt svo sprettan er með besta móti,“ sagði Ásdís Ýr Arnardóttir, þegar Feykir heyrði í henni í gær.
Blaðamaður heyrði einnig í Helgu Sjöfn Helgadóttur í Hátúni í fyrrum Seyluhrepp. Sagði hún að kúabændur hefðu almennt lokið slætti í lok júní og sauðfjárbændur væru að klára fyrri slátt. „Almennt hefur gengið mjög vel og gòð uppskera. Útlit er fyrir góða uppskeru af grænfóðri og há,“ sagði Helga Sjöfn.
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.